बिहारमध्ये आज मंत्रिमंडळ विस्तार, तेज प्रतापांसह १५ जणांना मिळणार मंत्रीपद

Nitish Kumar Cabinet Expansion, १६ ऑगस्ट २०२२: बिहारमध्ये नवे सरकार स्थापन झाल्यानंतर मंगळवारी मंत्रिमंडळाचा विस्तार होणार आहे. नितीश-तेजस्वी सरकारच्या मंत्रिमंडळात कोणाला स्थान मिळणार याची संभाव्य यादी सोमवारी समोर आली. बिहार सरकारमध्ये एकूण ३१ मंत्री असतील. या यादीनुसार, उपमुख्यमंत्री तेजस्वी यादव यांचे भाऊ तेजप्रताप यादव हेही मंत्रिमंडळात असतील.

मंत्रिमंडळातील वाट्याबाबत बोलायचे झाले तर राजद ‘मोठ्या भावाच्या’ भूमिकेत दिसत आहे. त्याचे १५ मंत्री मंत्रिमंडळात असू शकतात. त्याचबरोबर मुख्यमंत्री नितीश कुमार यांच्या पक्ष जेडीयूमधून १० आमदारांना मंत्री केले जाऊ शकते.

बिहारमधील महाआघाडीच्या नव्या सरकारमध्ये एकूण सात पक्ष सामील आहेत. जेडीयू, आरजेडी, काँग्रेस आणि जीतन राम मांझी यांच्या पक्ष हिंदुस्थान अवाम मोर्चा (एचएएम) व्यतिरिक्त मंत्रिमंडळात समावेश केला जाईल. अपक्ष आमदारालाही मंत्रीपद मिळू शकते.

बिहारमध्ये आज सकाळी ११.३० वाजता मंत्रिमंडळाचा विस्तार होणार आहे. नितीश कुमार आणि तेजस्वी यादव यांनी यापूर्वीच मुख्यमंत्री आणि उपमुख्यमंत्रीपदाची शपथ घेतली आहे. नितीश कुमार आठव्यांदा बिहारचे मुख्यमंत्री तर तेजस्वी यादव दुसऱ्यांदा राज्याचे उपमुख्यमंत्री बनले. नितीश कुमार यांना २४ ऑगस्टला विधानसभेत बहुमत सिद्ध करायचे आहे.

महाआघाडीत छोटे-मोठे असे एकूण सात पक्ष सामील आहेत. त्याच वेळी, नितीश कुमार यांनी गेल्या आठवड्यातच राज्यपालांना सात पक्षांच्या १६४ आमदारांच्या पाठिंब्याचे पत्र सादर केले.

बिहारमध्ये नितीशकुमार यांनी भाजपसोबतची युती तोडून तेजस्वी यादव यांच्यासोबत सरकार स्थापन केले. हा निर्णय घेऊन भाजपने राज्यात जेडीयूला कमकुवत करण्याचा प्रयत्न केल्याचा आरोप नितीश कुमार यांनी केला होता.

न्यूज अनकट प्रतिनिधी: ईश्वर वाघमारे