रायगडच्या घोणसे घाटात सिमेंट ट्रकला भिषण अपघात

रायगड १७ मार्च २०२४ : पनवेल कडून म्हसळा येथे सिमेंट वाहतूक करणाऱ्या ट्रकचा घोणसे घाटात एका तीव्र उतार वळणावर भिषण अपघात झाल्याची घटना घडली आहे. या अपघातात भरधाव असल्याने रस्त्यालगतच्या एका मोरीला घासुन हा ट्रक बाजूलाच असणाऱ्या डोंगरावर आदळल्याने ट्रकचे मोठे नुकसान झाले आहे.

पोलीस नाईक एस.ए.विघ्ने यानी अपघाताची माहीती दिली. ट्रक क्रमांक एमएच.०८- एफ.२४२० चा घोणसे घाटातील केळेचीवाडी हद्दीतील तीव्र उतार आणि शिघ्र वळणावर चालकाचे भरधाव गाडी वरील नियंत्रण सुटल्याने अपघात झाला. अपघातात ट्रकचे भयंकर नुकसान झाले असुन या अपघाताची म्हसळा पोलीसानी २३/२०२४ भा.द.वि.२७९,४२७,मो. वा.का.कलम १८४ प्रमाणे नोंद केली आहे. अपघाताचा अधिक तपास पोलीस नाईक विघ्ने, सपोनी पवन चौधरी हे करीत आहेत.

न्युज अनकट प्रतिनिधी : गणेश म्हाप्रळकर