ब्रिटनच्या राजघराण्यातील एका युगाचा अंत, राणी एलिझाबेथ द्वितीय यांच्या निधनानंतर चार्ल्स नवीन राजा

लंडन, ९ सप्टेंबर २०२२: ब्रिटनच्या राणी एलिझाबेथ द्वितीय यांचे वयाच्या ९६ व्या वर्षी निधन झाले. त्या काही दिवसांपासून आजारी होत्या आणि डॉक्टरांच्या देखरेखीखाली होत्या. रात्री उशिरा त्यांनी या जगाचा कायमचा निरोप घेतला. आता एलिझाबेथ II च्या जाण्यानंतर त्यांचा मोठा मुलगा चार्ल्स ब्रिटनचा राजा झालय.

चार्ल्स ब्रिटनचे नवे किंग

७३ वर्षीय चार्ल्स ऑस्ट्रेलिया, कॅनडा आणि न्यूझीलंडसह इतर १४ प्रदेशांचे प्रमुख बनले आहेत. राजघराण्याच्या नियमांनुसार, एलिझाबेथ II च्या निघून गेल्यानंतर चार्ल्सला कारभाराची सूत्रे हाती घ्यायची होती. राणी एलिझाबेथ II यांनी वयाच्या अवघ्या २५ व्या वर्षी सत्ता घेतली. एलिझाबेथ यांना त्यांच्या वडील किंग जॉर्ज सहावा यांच्या मृत्यूनंतरच राणी बनवण्यात आले. त्यांनी ७० वर्षे राज्य केले आणि अनेक पंतप्रधानांचा उदय आणि पतन पाहिले.

कोणते नियम पाळले जातील?

राणी एलिझाबेथ द्वितीय यांचे युग संपले असले तरी त्यांचा मोठा मुलगा चार्ल्सवर मोठी जबाबदारी आहे. नियमांनुसार, एलिझाबेथच्या मृत्यूनंतर लवकरच चार्ल्सला नवीन राजा घोषित केले गेले. लंडनच्या सेंट जेम्स पॅलेसमध्ये, ज्येष्ठ संसद सदस्य, नागरी सेवक, महापौर, चार्ल्स यांना औपचारिकपणे राजा बनवले जाईल.

चार्ल्स राजा झाल्यावर त्यांचे नाव बदलेल का?

येथे हे समजून घेणे देखील महत्त्वाचे आहे की चार्ल्सला त्यांचे नाव बदलण्याची संधी मिळणार आहे. खरे तर ब्रिटिश राजघराण्यात हा नियम वर्षानुवर्षे सुरू आहे. उदाहरणार्थ, जॉर्ज VI चे पूर्ण नाव अल्बर जॉर्ज VI होते, परंतु राजा झाल्यानंतर त्यांनी फक्त जॉर्ज VI ठेवले. त्याचप्रमाणे, आता हे चार्ल्सवर अवलंबून आहे की त्यांना त्यांचे नाव, राजा चार्ल्स तिसरा किंवा काहीतरी ठेवायचे आहे.

चार्ल्स यांची पत्नीही राणी होईल का?

तसे, ब्रिटनच्या राजघराण्याचा आणखी एक नियम अतिशय महत्त्वाचा आहे. त्या नियमानुसार महाराजांची पत्नी आपोआप राणी बनते. त्यांना कोणतेही संवैधानिक अधिकार नाहीत पण ही परंपरा गेल्या १००० वर्षांपासून पाळली जात आहे. या कारणास्तव, आता चार्ल्स राजा झाले आहेत, अशा स्थितीत त्यांची पत्नी कॅमिला हिने राणीचे स्थान स्वीकारले आहे. बर्‍याच वर्षांपूर्वी, चार्ल्स यांनी बीबीसीला दिलेल्या मुलाखतीत सांगितले होते की ते ब्रिटनचे राजा झाल्यावर कॅमिला ‘प्रिन्सेस कॉन्सर्ट’ म्हणून राहतील.

या वर्षी, त्यांच्या प्लॅटिनम ज्युबिलीवर, एलिझाबेथ II यांनी देखील त्यांची इच्छा व्यक्त केली की चार्ल्स राजा झाल्यावर कॅमिला राणी होईल. सर्वांनी कॅमिलालाही पाठिंबा द्यावा, अशी अपेक्षा त्यांनी व्यक्त केली. आता एलिझाबेथ यांचे निधन झाले आहे आणि चार्ल्स राजा झाले आहेत तर कॅमिला देखील राणी बनल्या आहेत.

न्यूज अनकट प्रतिनिधी: ईश्वर वाघमारे