नवी दिल्ली, १३ ऑक्टोंबर २०२२ : चीनची कंपनी बीवायडीने भारतीय बाजारात आपली पहिली नवीन इलेक्ट्रिक कार लाँच केली आहे. या नवीन इलेक्ट्रिक कारचे नाव ‘BYD Atto३’ असून कंपनीने आपल्या सोशल मीडिया हँडलवर कारचे टीझर व्हिडीओ प्रसिद्ध केले आहे. कंपनीच्या नवीन ईव्हीची डिलिव्हरी २०२३ च्या सुरुवातीला सुरू होण्याची शक्यता आहे.
इलेक्ट्रिक SUV मध्ये उत्तम रेंज.
या इलेक्ट्रिक कारच्या माध्यमातून कंपनीने भारतीय कार बाजारात दमदार एंट्री केली आहे. BYD-ATTO ३ मध्ये ARAI प्रमाणित श्रेणी ५२१ किमी आणि NEDC-श्रेणी ४८० किमी असल्याचा दावा केला जातो. कंपनी पुढील महिन्यात या ई-एसयूव्हीची किंमत जाहीर करेल अशी अपेक्षा आहे. मात्र, कंपनीने या कारचे बुकिंग सुरू केले आहे.
५० मिनिटांत ८०% चार्ज
अल्ट्रा-सेफ्टी ब्लेड बॅटरी आणि बॉर्न ईव्ही प्लॅटफॉर्म (ई-प्लॅटफॉर्म ३.० सह सुसज्ज, BYD-ATTO ३ ही कार ५० मिनिटांत ८० टक्क्यांपर्यंत चार्ज होऊ शकते. या इलेक्ट्रिक SUV मध्ये ६०.४८ kWh ची पॉवरफुल बॅटरी देण्यात आली आहे. यासह, ७.३ सेकंदात ०-१०० किमी प्रतितास प्रवेग वेळ प्राप्त करण्याची क्षमता आहे. त्याच्या चाकाचा आकार १८ इंच आहे.
यात इलेक्ट्रिक स्लाइड आणि अँटी-पिंच वैशिष्ट्यांसह १,२६१ मिमी लांब आणि ८४९ मिमी रुंद पॅनोरामिक सनरूफ आहे. या ई-एसयूव्हीमध्ये चार रंगांची रेंज असेल. यामध्ये बोल्डर ग्रे, पार्कौर रेड, स्की व्हाईट आणि सर्फ ब्लू यांचा समावेश आहे
बीवायडीने Atto३ नावाची पहिली इलेक्ट्रिक SUV सादर केली असून अंदाजे ५०,००० रुपयांमध्ये Atto३ EV चे बुकिंग देखील सुरु केले आहे. तसेच कंपनीकडून असे सांगण्यात आले आहे की पहिली ५०० BYD-ATTO ३ e-SUV २०२३ मध्ये जानेवारीमध्ये दिली जाणार आहे.
न्यूज अनकट प्रतिनिधी – वैभव शिरकुंडे
