बारामती दि. १० नोव्हेंबर २०२०: बारामती तालुका राष्ट्रवादी काँग्रेस पक्षाची बैठक जिल्हा राष्ट्रवादी काँग्रेस पार्टीचे अध्यक्ष प्रदीप गारटकर यांच्या प्रमुख उपस्थितीत रयत भवन,मार्केट यार्ड,बारामती याठिकाणी संपन्न झाली.
बैठकीमध्ये पदवीधर निवडणूक, कोविड-१९ वर उपाययोजना व जनजागृती,अतिवृष्टी आढावा,नवीन मतदार नोंदणी, आगामी निवडणुका व संघटनात्मक बाबींवर चर्चा विनिमय होऊन कोविड-१९ च्या काळामध्ये घेण्यात आलेल्या निबंध स्पर्धामध्ये प्राविण्य मिळवलेल्या स्पर्धकांना प्रमाणपत्र व ५१ हजार रुपयांची रोख बक्षिसे देण्यात आली. याप्रसंगी तालुका राष्ट्रवादी काँग्रेस पार्टीचे अध्यक्ष श्री.संभाजीनाना होळकर यांनी प्रस्ताविकामध्ये सविस्तर आढावा दिला.त्याचप्रमाणे जिल्हा राष्ट्रवादी काँग्रेस पार्टी चे अध्यक्ष प्रदीप गारटकर यांनी पक्ष संघटना बळकट करून संघटनेच्या माध्यमातून निवडणुका लढवण्यासाठी कार्यकर्त्यांनी तयार राहावे तसेच पक्षाच्या माध्यमातून नवीन उपक्रम हाती घेऊन साहेब,दादा व ताई यांचे विचार सर्वसामान्य जनतेपर्यंत पोहोचवण्यासाठी प्रयत्नशील राहावे.
पदवीधर निवडणुकांसाठी बारामती तालुक्यामध्ये चांगली मतदार नोंदणी झाली असुन सर्वांनी निष्ठेने व एकजुटीने काम करावे असे आवाहन त्यांनी केले.यावेळी इम्तियाज शिकलकर,सचिन घोटकुले,पूजाताई बुट्टे पाटील,निताताई बारवकर,बाळासाहेब तावरे,प्रमोद काकडे,पुरुषोत्तम जगताप,संदीप जगताप,राजवर्धन शिंदे आदी मान्यवरांसह संस्था पदाधिकारी,सर्व सेल व प्रमुख आजी-माजी पदाधिकारी आणि कार्यकर्ते मोठ्या संख्येने उपस्थित होते.
न्युज अनकट प्रतिनिधी – अमोल यादव
