वॉशिंग्टन, ८ जानेवारी २०२१: अमेरिकेतील निवडणुकीनंतर कॉंग्रेसने जो बिडेन यांच्या विजयावर शिक्कामोर्तब केले आहे. अमेरिकेचे नवनिर्वाचित अध्यक्ष जो बिडेन यांना ३०६ इलेक्टोरल कॉलेज वोट मिळाली आहेत जे बहुमतापेक्षा जास्त आहे. अध्यक्ष होण्यासाठी २७० मते आवश्यक आहेत. कॉंग्रेसच्या मंजुरीनंतर जो बिडेन अधिकृतपणे अमेरिकेचे राष्ट्राध्यक्ष होतील.
या निर्णयानंतर अध्यक्ष डोनाल्ड ट्रम्प यांनी एक निवेदन दिले आहे. ते म्हणाले की २० जानेवारी रोजी कायद्यानुसार जो बिडेन यांच्याकडे सत्ता हस्तांतरण केले जाईल. डोनाल्ड ट्रम्प यांनी आपल्या निवेदनात म्हटले आहे की, ते निवडणुकीच्या निकालांचे समर्थन करत नाहीत, परंतु तरीही जो बिडेन यांच्याकडे सत्ता सोपवतील. डोनाल्ड ट्रम्प यांनी पराभव स्वीकारला नाही आणि निवडणुकीचे निकाल कोर्टात आव्हान देण्याची घोषणा केली.
त्याचबरोबर कॉंग्रेसने शिक्का मारल्यानंतर आता डेमोक्रॅटिक पक्षाचे जो बिडेन आता २० जानेवारीला अमेरिकेचे अध्यक्ष म्हणून शपथ घेतील. उपराष्ट्रपती माइक पेंस यांनी गुरुवारी जाहीर केले की, अमेरिकेच्या निवडणुकीत जो बिडेन यांना विजयी म्हणून दर्शविणाऱ्या इलेक्टोरल कॉलेज यादीची कॉंग्रेसने पुष्टी केली आहे.
यापूर्वी, डोनाल्ड ट्रम्प यांच्या समर्थकांनी वॉशिंग्टनच्या कॅपिटल हिलमध्ये खळबळ उडविली होती. प्रदीर्घ संघर्षानंतर सुरक्षा दलाने त्यांना बाहेर काढले आणि कॅपिटल हिल सुरक्षित केले. वॉशिंग्टन हिंसाचारात आतापर्यंत चार मृत्यूची पुष्टी झाली आहे.
न्यूज अनकट प्रतिनिधी: ईश्वर वाघमारे
