कोरोना वर काँग्रेसची नवीन मोहिम

नवी दिल्ली, ३० एप्रिल २०२०: कोरोना साथीच्या विषयावर कॉंग्रेस पक्ष गुरुवारपासून नवीन मोहिम सुरू करत आहे. त्याअंतर्गत पक्षाचे माजी अध्यक्ष राहुल गांधी जगभरातील आघाडीच्या विचारवंतांशी कोरोना विषाणूच्या साथीवर चर्चा करतील. गुरुवारी रिझर्व्ह बँकेचे माजी गव्हर्नर डॉ. रघुराम राजन यांच्या संभाषणातून राहुल गांधींची हि संवाद मालिका सुरू होईल.

राहुल गांधी आणि रघुराम राजन यांच्यातील संवाद गुरुवारी सकाळी ९ वाजता कॉंग्रेसच्या सोशल मीडिया प्लॅटफॉर्मवर प्रसारित होईल. अशा प्रकारचा हा पहिला सुसंवाद असेल आणि पक्ष आठवड्यातून कमीतकमी दोनदा असाच उपक्रम घेण्याच्या विचारात घेत आहे.

याबद्दल पक्षाचे राष्ट्रीय मीडिया प्रभारी रणदिप सुरजेवाला यांनी ट्विट केले आहे. रणदिप सुरजेवाला म्हणाले की कोरोनाचे संकट अधिक गडद होत आहे. अशा परिस्थितीत राहुल गांधींनी पुढच्या प्रवासासाठी चर्चेचा पुढाकार घेतला आहे. गुरुवारी सकाळी ९ वाजता काँग्रेसच्या सर्व सोशल मीडिया प्लॅटफॉर्मवर राहुल गांधींनी रघुराम राजन यांच्याशी केलेले संवाद पाहता येईल.

या संभाषणाच्या व्हिडिओच्या एक भागचे सुरजेवाला यांनी देखील ट्विट केले आहे ज्यात राहुल गांधी रघुराम राजन यांना प्रश्न विचारताना दिसत आहेत. राहुल गांधी आणि रघुराम राजन कोरोना साथीच्या भारतीय अर्थव्यवस्थेवर होणाऱ्या दुष्परिणामांबद्दल चर्चा करतील आणि गरिबांना कशी मदत करावी याबद्दलही ते चर्चा करतील.

न्यूज अनकट प्रतिनिधी