मुंबईत शिवाजी पार्कवर १ मे रोजी दहशतवादी हल्ल्याचा कट

मुंबई, २६ एप्रिल २०२३ : महाराष्ट्राची राजधानी मुंबईत दहशतवादी हल्ल्याचा कट रचण्यात आला आहे. पुढील महिन्याच्या पहिल्या आठवड्यात मुंबईत दहशतवादी घटना घडण्याची भीती व्यक्त केली जात आहे. १ मे रोजी महाराष्ट्र दिन साजरा केला जातो. गुप्तचर विभागाच्या अहवालानुसार या दिवशी दहशतवादी हल्ला होण्याची शक्यता आहे. त्यासाठी शिवाजी पार्कचा हवाई क्षेत्र म्हणून दहशतवादी वापर करू शकतात.

दहशतवादी हल्ल्याच्या कट रचल्यामुळे परिसरात कलम १४४ लागू करण्यात आले आहे. गुप्तचर विभागाकडून मिळालेल्या माहितीनंतर शिवाजी पार्कचा परिसर नो फ्लाईंग झोन घोषित करण्यात आला आहे. मुंबई पोलीस विभागाची पथकेही पूर्णपणे सतर्क झाली आहेत. तेथून जाणाऱ्या प्रत्येक संशयित व्यक्तीची चौकशी केली जात आहे.

मुंबईला देशाची आर्थिक राजधानी म्हटले जाते. २६ नोव्हेंबर २००८ रोजी सीमेपलीकडून आलेल्या दहशतवाद्यांनी मुंबईत मोठा दहशतवादी हल्ला केला. मुंबईतील ताज हॉटेल, नरिमन हाऊस आणि ओबेरॉय हॉटेलमध्ये दहशतवाद्यांनी गोळ्या झाडून अनेकांना ठार केले. या दहशतवादी हल्ल्यानंतर मुंबई पूर्णपणे हादरली. यादरम्यान मुंबईतील सर्वात वर्दळीचे रेल्वे स्थानक असलेल्या छत्रपती शिवाजी टर्मिनसवरही दहशतवाद्यांनी प्रवाशांना लक्ष्य केले. दहशतवाद्यांनी अंदाधुंद गोळीबार करून अनेक प्रवाशांची हत्या केली होती.

न्यूज अनकट’ प्रतिनिधी : सूरज गायकवाड