सिल्लोड तालुक्यातील भवन येथे कंटेनरला लागली आग; पाच लाखाचे चिप्स जळून खाक

सिलोड, ३ एप्रिल २०२४ : सिल्लोड तालुक्यातील भवन येथे जळगावहून छत्रपती संभाजीनगर येथे चिप्स घेऊन जाणाऱ्या कंटेनरलाच्या केबिनला अचानक आग लागल्याची घटना आज दुपारी घडली. यामध्ये केबिनमध्ये शॉर्टसर्किट होऊन आग लागल्याची प्राथमिक माहिती समोर आली आहे.

जळगावहून छत्रपती संभाजीनगर येथे जवळपास पाच ते सहा लाखाचे चिप्स असलेले कंटेनर हे सिल्लोड तालुक्यातील कारखाना भवन येथून रस्त्याने जात होते. दरम्यान केबिनला आग लागल्याचे चालक व किन्नरच्या लक्षात आले. ते ताबडतोब कंटेनर मधून खाली उतरले त्यामुळे पुढील अनर्थ टळला. परंतु कंटेनर मधील जवळपास पाच लाखाचे चिप्स जळून खाक झाले. दरम्यान भवन येथील ग्रामस्थांनी घटनास्थळी येऊन काही चिप्सचे पॉकेट बाहेर काढले.

या सर्व घटनेची माहिती मिळताच सिल्लोड ग्रामीण पोलीस तात्काळ घटनास्थळी दाखल झाले आणि पंचनामा केला.

न्यूज अनकट प्रतिनिधी : सचिन साबळे