इंग्लंड सिरीज वर संकटांचं सावट, इंग्लंड चे ३ खेळाडू कोरोना पॉझिटिव

पुणे, ७ जुलै २०२१: इंग्लंडच्या क्रिकेटवर कोरोनाचे सावट उभे राहिले आहे. संघातील ३ खेळाडूंसह ७ कर्मचारी सदस्य कोरोना चाचणीत सकारात्मक आढळले आहेत. घरच्या मैदानावर इंग्लंडला पाकिस्तानविरुद्ध ३ एकदिवसीय सामने आणि ३ टी -20 मालिका खेळायच्या आहेत. पहिला सामना ८ जुलै रोजी होणार आहे. यानंतर ऑगस्टपासून टीम इंडियाविरुद्ध ५ कसोटी सामन्यांची मालिका होणार आहे.

पाकिस्तानविरुद्धच्या पहिल्या वनडे सामन्यात इंग्लंड आपला संपूर्ण नवीन संघ मैदानात उतरवेल. या संघाचा कर्णधारपद अष्टपैलू बेन स्टोक्स याला देण्यात येणार आहे. नियमित कर्णधार ओन मॉर्गन आहे. परंतु, अद्याप संक्रमित झालेल्या खेळाडूंची नावं जाहीर केली गेली नाहीत.

पाकिस्तानविरुद्ध एकदिवसीय सामन्यात उतरेन नवीन संघ

इंग्लंड अँड वेल्स क्रिकेट बोर्डाच्या (ईसीबी) नुसार संक्रमित खेळाडू आणि कर्मचारी यांना अलग ठेवण्यात आलंय. इतर खेळाडू आणि कर्मचारीही त्यांच्या संपर्कात आले. अशा परिस्थितीत, त्यांना १० पर्यंत अलग ठेवण्यात आले आहे. दुखापतीतून सावरल्यानंतर बेन स्टोक्स पुनरागमन करीत आहे. अशा परिस्थितीत त्याच्या हातात कमान सोपवली जाऊ शकते. पाकिस्तानविरुद्धच्या पहिल्या वन डे सामन्यासाठीच्या नवीन प्ले -११ ची घोषणा लवकरच केली जाईल.

४ ऑगस्टपासून टीम इंडियाविरूद्ध कसोटी मालिका

टीम इंडियाला इंग्लंड मध्ये इंग्लंडविरुद्ध ५ कसोटी सामन्यांची मालिका खेळायची आहे. पहिला कसोटी सामना ४ ऑगस्टपासून नॉटिंघॅममध्ये खेळला जाईल. ५ कसोटी सामन्यांच्या मालिकेचा शेवटचा सामना मॅनचेस्टरमध्ये १० सप्टेंबर रोजी होईल. सर्व भारतीय खेळाडू सध्या आपल्या कुटुंबियांसह इंग्लंडमध्ये फिरत आहेत. मालिकेच्या काही दिवस आधी सर्व खेळाडू एकत्र येतील आणि आयसोलेशन नंतर बायो-बबलमध्ये प्रवेश करेल.

न्यूज अनकट प्रतिनिधी: ईश्वर वाघमारे