शरद पवारांच्या खांद्यावरुन खाली उतरा रोहित पवारांवर टीका

जामखेड , १० ऑक्टोबर २०२० : शरद पवारांच्या खांद्यावर बसून मी खूप उंच झालो आहे.असे समजत असलेल्या रोहित पवारांनी त्यांच्या खांद्यावरुन उतरून मतदारसंघात संघात उतरावे अशी जहरिली टीका भाजपच्या आमदार गोपीचंद पडळकर यांनी रोहित पवारांवर केली आहे.

कर्जत जामखेड मतदार संघातून पडळकर आज सकाळी औरंगाबादकडे निघाले असताना मतदार संघातील रस्त्याची दुरावस्था पाहून पडळकर यांनी रोहित पवार यांच्यावर टीका वजा सल्ला दिला.तसेच मिराजगाव येथील नागरिकांशी चर्चा केली त्यानंतर त्यांनी त्या खराब रस्त्याचा व्हिडीओ बनवून तो सोशल मिडीवर शेअर केला आहे.मागील पन्नास वर्षांपासून राजकारणात असणाऱ्या शरद पवार यांचे नातू रोहित पवार कर्जत जामखेडचे आमदार आहेत.त्यांच्या मतदार संघातून जात असताना रस्ता प्रचंड खराब आहे.आणि रोहित पवार हे रोज ट्विटरवर पंतप्रधान नरेंद मोदी व माजी मुख्यमंत्री देवेंद्र फडणवीस यांना सल्ले देत असतात त्यांना त्यांची उंची वाढल्यासारखी वाटत आहे.त्यांना अजून माहीत नाही ते शरद पावरांच्या खांद्यावर बसून उंची मोजत आहेत.अशी टीका आमदार गोपीचंद पडळकर यांनी आज सकाळी केली आहे.

न्युज अनकट प्रतिनिधी – अमोल यादव