पुणे, ८ सप्टेंबर २०२१: अमेरिका, चीन आणि रशिया सारख्या देशांना मागे टाकत क्यूबाने कोरोना काळात एक मोठी कामगिरी केली आहे. २ वर्षांच्या मुलांना लसीकरण सुरू करणारा क्युबा जगातील पहिला देश बनला आहे. या देशात अब्दाला आणि सोबराना नावाच्या २ कोरोना लस दिल्या जात आहेत, त्या दोन्ही क्युबानेच तयार केल्या आहेत. मुलांवर क्लिनिकल चाचण्याही करण्यात आल्या आहेत. WHO ने अद्याप त्यांना मान्यता दिली नाही. १२ वर्षांपर्यंतच्या मुलांचे लसीकरण क्युबामध्ये आधीच सुरू झाले आहे.
एएफपी या वृत्तसंस्थेच्या म्हणण्यानुसार, क्यूबामध्ये अब्दाला आणि सोबराना नावाच्या कोरोना लस दिल्या जात आहेत. मुलांवर त्यांची क्लिनिकल चाचणी पूर्ण झाली आहे. शुक्रवारी क्युबामधील मुलांना कोरोनाची लस मिळू लागली. सुरुवातीला, १२ वर्षांपेक्षा जास्त वयाच्या मुलांना कोरोनाची लस देण्यात आली, त्यानंतर सोमवारपासून २-११ वर्षांच्या मुलांनाही कोरोना लस देण्यात आली. सध्या, या वयोगटाला फक्त क्युबाच्या सिएनफ्यूगोस शहरात ही लस मिळाली आहे.
अनेक देशांमध्ये १२ वर्षांवरील मुलांना दिली जातेय लस
जगातील अनेक देशांमध्ये, कोरोना लस यापूर्वीच १२ वर्षे व त्यावरील मुलांसाठी सुरू केली गेली आहे. त्याच वेळी, काही देशांमध्ये चाचण्या सुरू आहेत. चीन, यूएई, व्हेनेझुएला यांनीही लहान मुलांना कोरोनाची लस देण्याची घोषणा केली आहे, परंतु क्युबाने त्यांच्या आधी तसे केले आहे.
भारतातही कोरोना लस १२ वर्षांपेक्षा जास्त वयाच्या मुलांना दिली जाऊ लागली आहे.
यासाठी झायडस कॅडिलाची कोरोना लस भारतात आणीबाणीच्या वापरासाठी मंजूर करण्यात आली. ही लस १२ वर्षांपेक्षा जास्त वयाच्या मुलांना दिली जाऊ शकते. झायडस कॅडिलाच्या कोरोना लसीला ZyCoV-D असे नाव देण्यात आले आहे, ही डीएनएवर आधारित जगातील पहिली स्वदेशी लस आहे. भारतीय लस नियंत्रक जनरल (DCGI) ने ही लस मंजूर केली आहे.
न्यूज अनकट प्रतिनिधी: ईश्वर वाघमारे