नवी मुंबईत सायबर गुन्हेगारांनी वृद्धाची १७ लाख रुपयांची केली फसवणूक

ठाणे, १९ ऑगस्ट २०२३ : ऑनलाइन कामाचे पैसे देण्याच्या बहाण्याने सायबर फसवणूक करणाऱ्यांनी ठाणे, नवी मुंबई येथे एका वृद्धाची १७ लाख रुपयांची फसवणूक केली. पोलिसांनी आज (शनिवारी) ही माहिती दिली. एका अधिकाऱ्याने सांगितले की, शुक्रवारी नेरूळ पोलिस ठाण्यात गुन्हा दाखल करण्यात आला आहे.

एका आघाडीच्या ई-कॉमर्स कंपनीचे प्रतिनिधी म्हणून चार जणांनी वृद्ध व्यक्तीला वेगवेगळ्या तारखांना बोलावले. त्यांनी सोशल मीडियावर विविध उत्पादनांबद्दल त्यांचे विचार शेअर करण्यासाठी त्या व्यक्तीला पैसे देण्याची ऑफर दिली. वृद्धाने सायबर गुन्हेगाऱ्यांवर विश्वास ठेवला आणि एप्रिल ते मे २०२३ पर्यंत त्यांला अनेक हप्त्यांमध्ये एकूण १७ लाख रुपये दिले.

नंतर या वृद्धाला आपली फसवणूक झाल्याचे लक्षात आले, असे अधिकाऱ्याने सांगितले. पीडित व्यक्तीच्या तक्रारी आधारे, भारतीय दंड संहिता (IPC) आणि माहिती तंत्रज्ञान (IT) कायद्याच्या कलम ४२० (फसवणूक), ३४ ( सामान्य हेतू) अंतर्गत अज्ञात व्यक्तींविरुद्ध गुन्हा दाखल करण्यात आला आहे.

न्यूज अनकट प्रतिनिधी : सूरज गायकवाड