मुंबई, 1 जानेवारी 2022: महाराष्ट्रात कोरोनाने धोकादायक वेग पकडला आहे. गेल्या 24 तासांत राज्यात कोरोनाचे 8067 नवीन रुग्ण आढळले आहेत. ओमिक्रॉन या नवीन प्रकाराचे चार रुग्ण देखील सापडले आहेत. काल या विषाणूमुळे एकूण आठ जणांना आपला जीव गमवावा लागला आहे. काल एकट्या मुंबईत 5,631 प्रकरणं सापडली आहेत. अशा परिस्थितीत मायानगरीची परिस्थिती दिवसेंदिवस बिघडत चालली आहे.
ओमिक्रॉन प्रकाराचा कम्युनिटी स्प्रेड महाराष्ट्रात झाल्याची भीती आहे. आतापर्यंत कोणाच्याही बाजूने कोणतेही अधिकृत विधान आलेले नाही, परंतु ज्या वेगाने प्रकरणे वाढत आहेत आणि आता कोणताही प्रवास इतिहास दिसत नसल्याने भीती अधिक वाढली आहे. महाराष्ट्रात आतापर्यंत ओमिक्रॉनची 450 हून अधिक प्रकरणे नोंदली गेली आहेत. यापूर्वी या यादीत राजधानी दिल्ली आघाडीवर होती. पण आता महाराष्ट्रात ओमिक्रॉनचा वेग खूपच वेगवान झाला आहे.
राज्यात मुंबईची स्थितीही चिंताजनक आहे. मुंबईत कोरोनाचे 2 हजारांहून अधिक रुग्णांची नोंद होत आहे. संसर्गाचे प्रमाणही खूप वाढले आहे. यापूर्वीही अनेक निर्बंध लादण्यात आले असून येत्या काही दिवसांत ही व्याप्ती वाढू शकते. सध्या महाराष्ट्रात फक्त सामान्य माणूसच कोरोनाला बळी पडत नाहीये तर अनेक बडे मंत्रीही या विषाणूच्या विळख्यात आले आहेत. आतापर्यंत एकूण पाच मंत्री कोविड पॉझिटिव्ह आढळले आहेत. या यादीत नगरविकास राज्यमंत्री प्राजक्त तनपुरे, आदिवासी विकास मंत्री केसी पाडवी, शिक्षणमंत्री वर्षा गायकवाड, बाळासाहेब थोरात आणि यशोमती ठाकूर यांचा समावेश आहे.
महाराष्ट्राशिवाय राजधानी दिल्लीतही कोरोनामुळं परिस्थिती अनियंत्रित झाली आहे. तिथंही संसर्गाचं प्रमाण वाढू लागलं आहे आणि सक्रिय रुग्णांच्या संख्येत मोठी वाढ झालीय. सध्या, Omicron चा दिल्ली आणि महाराष्ट्रात कम्युनिटी स्प्रेड झाल्याचं मानलं जात आहे.
न्यूज अनकट प्रतिनिधी: ईश्वर वाघमारे
