कोरोनामुळे इलेक्ट्रॉनिक वाहनांच्या विक्रीत घसरण

नवी दिल्ली, २३ एप्रिल २०२१: २०२०-२१ आर्थिक वर्षात कोरोनाचे वर्चस्व राहिले. या साथीने जीडीपीसमवेत अर्थव्यवस्थेच्या प्रत्येक आघाडीवर परिणाम पाडला आहे. देशात इलेक्ट्रिक वाहनांना प्रोत्साहन देण्यासाठी सरकारकडून सातत्याने पावले उचलली जात आहेत. परंतु आर्थिक वर्ष २०२०-२१ मध्ये इलेक्ट्रिक वाहनांच्या विक्रीत मोठी घट झाली आहे.

इलेक्ट्रिक वाहन उत्पादक संस्था असोसिएशन ऑफ सोसायटी ऑफ मॅन्युफॅक्चरर्स ऑफ इलेक्ट्रिक व्हेइकल्स (एसएमईव्ही) यांनी गुरुवारी सांगितले की, देशातील इलेक्ट्रिक वाहनांची विक्री २०२०-२१ या आर्थिक वर्षात २० टक्क्यांनी घसरून २,३६,८०२ वाहनांवर आली आहे. मागील वर्ष २०१९-२० मध्ये दुचाकी, तीन चाकी आणि चारचाकी इलेक्ट्रिक वाहनांची (ईव्ही) एकत्र विक्री २,९५,६८३ होती.

एसएमईव्हीच्या मते, सन २०२०-२१ या वर्षात दुचाकी इलेक्ट्रिक वाहनांची विक्री मागील वर्षाच्या तुलनेत ६ टक्क्यांनी घसरून १,४३८३७ वाहनांवर आली आहे. यात ४०,८३६ हाय-स्पीड ई-दुचाकींचा समावेश आहे, तर १,०३,००० नॉर्मल स्पीड वाहने आहेत.

जर आपण तीन चाकी वाहनांबद्दल बोललो तर, ८८,३७८ तीन चाकी वाहन वित्त वर्ष २०२०-२१ मध्ये विकल्या गेल्या, तर १,४०,६८३ तीन चाकी वाहनांची विक्री एक वर्षापूर्वी झाली होती. या आकडेवारीमध्ये परिवहन प्राधिकरणाकडे नोंदणीकृत नसलेल्या तीन चाकींचा समावेश नाही.

दुसरीकडे, जर आपण फोर व्हील इलेक्ट्रिक वाहनांबद्दल बोललो तर २०२०-२१ मध्ये ४,५८८ वाहने विकली गेली, गेल्या वर्षी या तुलनेत केवळ ३,००० चार चाकी वाहने विकली गेली होती. अशा प्रकारे या विभागात वाहन विक्रीत ५३ टक्के वाढ नोंदविण्यात आली.

न्यूज अनकट प्रतिनिधी: ईश्वर वाघमारे