दीपाली गायकवाड यांचा शिक्षण मंत्र्यांच्या हस्ते सन्मान

बारामती, ७ जानेवारी २०२१: देश घडवण्याचे मुख्य काम शिक्षक करत असतात. बारामती नगर परिषदेच्या शाळा क्रमांक सात मध्ये शिक्षक असणाऱ्या दीपाली गायकवाड यांचा लोणावळ्यात झालेल्या कार्यक्रमात शिक्षणमंत्री वर्षा गायकवाड यांच्या हस्ते सत्कार करण्यात आला.

सोमवार ( दि.४) लोणावळा येथे मनपा शिक्षण संघटनेच्या वतीने देण्यात येणाऱ्या आदर्श शिक्षक पुरस्कार शिक्षणमंत्री वर्षा गायकवाड व आमदार संजय जगताप यांच्या हस्ते देण्यात आला. बारामती नगर परिषदेच्या शाळा क्रमांक सात मधील शिक्षिका दीपाली गायकवाड यांना कोविडच्या बिकट काळात शहराच्या अनेक कोरोना बाधित रुग्ण असलेल्या ठिकाणी जाऊन माहिती संकलित करणे, विद्यार्थ्यांचे नुकसान होऊ नये यासाठी ऑनलाईन शिक्षण, विद्यार्थ्यांना भेटून त्यांच्या अभ्यासाच्या अडचणी सोडवणे, व्हया वाटप, इयत्ता पाहिलीतील पाच विद्यार्थी मंथन परीक्षेत उत्तीर्ण झाले, शाळेतील पटसंख्या वाढण्यासाठी काम केले.

तसेच क्रीडा, स्पर्धा, विविध गुणदर्शन, परिपाठ सारखे विविध उपक्रम राबविले याची दखल घेत गायकवाड यांना आदर्श शिक्षक पुरस्काराने सन्मानित करण्यात आले.

न्यूज अनकट प्रतिनिधी: अमोल यादव