दिल्ली मध्ये पुन्हा एकदा आगीचे तांडव

दिली: दिल्ली मध्ये पुन्हा एकदा आगीचे तांडव बघायला मिळाले आहे. एका कपड्याच्या गोदामाला आग लागल्याची घटना दिल्ली येथे घडली आहे. एका तीन मजली इमारतीच्या तळमजल्यावर हे कपड्यांचे गोदाम होते. ही आग परसरल्यानंतर इमारतीमधील घरांमधील सिलेंडरचा स्फोट झाले. दिल्लीतील किरारी ग्राउंड येथे हे गोदाम आहे. कपड्यांच्या गोदामाला लागलेल्या भीषण आगीत ९ जणांचा मृत्यू झाला. ही भीषण आग मध्यरात्री १२ वाजल्यानंतर लागल्याचे सांगण्यात येत आहे.

या आगीबाबत प्रत्यक्षदर्शींनी दिलेल्या माहितीनुसार, ही इमारत ४ मजली असून इमारतीच्या तळमजल्यावर कपड्यांचे गोदाम आहे. इथेच प्रथम आग लागली. गोदामात असलेल्या एका सिलेंडरचा स्फोट झाला. या आगीत मृत्यू पावलेले सर्वजण वरच्या मजल्यावर झोपले होते. खाली आग लागल्यानंतर त्यांना पळून जाण्याची संधीच मिळाली नाही. या आगीत ते होरपळून मृत्यूमुखी पडले. ही आग नेमकी कशामुळे लागली याबाबत अजूनही कळू शकलेले नाही. या आगीची माहिती मिळताच अग्निशमन दलाच्या जवानांनी घटनास्थळी धाव घेतली. या भीषण आगीत सुमारे १० जण जखमी झाल्याचे वृत्त आहे. जखमींमध्ये दोन लहान मुलांचाही समावेश आहे. जखमींना उपचारासाठी हॉस्पिटलमध्ये दाखल करण्यात आले आहे.