ऑनलाइन शिक्षणासाठी गरीब मुलांना जुने फोन लॅपटॉप दान करा: पुणे जिल्हा परिषद

पुणे, ४ जुलै २०२० : पुणे जिल्हा परिषदेने स्थानिक रहिवाशांना शाळांना जुने वापरलेले स्मार्टफोन, टॅबलेट, टीव्ही किंवा लॅपटॉप दान करावे असे आवाहन केले आहे.जेणेकरून गरीब मुलांना ऑनलाइन शिक्षण मिळू शकेल.जर आपल्याकडे चालू स्थितीत असलेले कोणतेही जुने वापरलेले अँड्रॉइड मोबाइल,फोन,स्मार्ट टीव्ही,टॅबलेट,लॅपटॉप किंवा संगणक असेल तर ते शाळांना दान करा. जेणेकरून मुलांना ऑनलाइन शिक्षण देऊन मुख्य प्रवाह आणता येईल.

पुणे झेडपीचे मुख्य कार्यकारी अधिकारी (सीईओ) म्हणाले की, कोविड -१९ च्या उद्रेकामुळे शाळा सुरू करणे शक्य नाही.तथापि विद्यार्थ्यांसाठी शिक्षण सुरू ठेवणे महत्त्वाचे आहे. त्यांना ऑनलाइन शिक्षण देणे हा एक उत्तम पर्याय आहे आणि असे करण्यासाठी शिक्षकांना संबंधित साहित्य उपलब्ध करुन देण्यात आले आहे असेही सीईओ पुढे म्हणाले.

पुण्याच्या ग्रामीण भागातील ५० टक्क्यांहून अधिक विद्यार्थी हे गरीब पार्श्वभूमीचे आहेत आणि त्यापैकी कोणालाही ऑनलाईन शिक्षण घेण्याची सुविधा नाही.शिक्षण विभागाकडून यासाठी समन्वयक नेमला जावा व त्यांचे नाव व मोबाईल क्रमांक जिल्हा परिषद कार्यालयात द्यावे असे ही सीईओ म्हणाले.

न्यूज अनकट प्रतिनिधी