शेवटच्या ओव्हर पर्यंत चालला ड्रामा, केकेआरने दिल्लीला हरवले, गाठली अंतिम फेरी

युएई, 14 ऑक्टोंबर 2021: कोलकाता नाईट रायडर्सने क्वालिफायर -2 मध्ये दिल्ली कॅपिटल्सचा 3 गडी राखून पराभव करत आयपीएल 2021 च्या अंतिम फेरीत प्रवेश केला.  आता चेन्नई सुपर किंग्ज आणि कोलकाता नाईट रायडर्स आयपीएलचे जेतेपद पटकावण्यासाठी 15 ऑक्टोबरला भिडतील.

 क्वालिफायर -2 मध्ये ड्रामा शेवटच्या षटकापर्यंत चालू राहिला, कधी सामना कोलकाताच्या खेम्यात तर कधी दिल्लीच्या खेम्यत जाताना दिसला, पण शेवटी केकेआर संघ जिंकला.  कोलकात्याचा संघ तिसऱ्यांदा अंतिम फेरीत पोहोचला आहे.  यापूर्वी कोलकाता दोन वेळा अंतिम फेरीत पोहोचला होता आणि दोन्ही वेळा जेतेपद पटकावले होते.  (2012, 2014)

 शेवटचे षटक…

 एक वेळ अशी होती जेव्हा कोलकाताचा विजय अगदी सोपा वाटत होता, परंतु दिल्ली कॅपिटल्सने शेवटपर्यंत शानदार गोलंदाजी केली आणि यामुळेच सामना शेवटच्या षटकापर्यंत पोहोचला.  कोलकात्याला शेवटच्या षटकात 7 धावांची गरज होती आणि गोलंदाजीची जबाबदारी रविचंद्रन अश्विनवर होती.  संपूर्ण हंगामात खराब फॉर्ममध्ये असलेल्या अश्विनने येथे शानदार गोलंदाजी केली आणि दोन विकेट्स घेतल्या.  पण सरतेशेवटी राहुल त्रिपाठीने शेवटच्या चेंडूवर षटकार ठोकला आणि आपल्या संघासाठी सामना जिंकला.

 अश्विनची ती शेवटची ओव्हर-

19.1 ओव्हर: एक धाव

19.2 ओव्हर: एकही रन नाही

19.3 ओव्हर: शाकिब अल हसन बाद

19.4 ओव्हर: सुनील नारायण बाद

19.5 ओव्हर: राहुल त्रिपाठीचे विजयी षटकार

अय्यर आणि शुभमन गिल यांची अप्रतिम खेळी

 शुभमन गिल आणि व्यंकटेश अय्यर यांनी पुन्हा एकदा चमकदार कमिजिरी केली.  दोघांमध्ये 96 धावांची सलामी भागीदारी झाली, वेंकटेश अय्यरने 41 चेंडूत 55 धावा केल्या.  या आयपीएलमधील व्यंकटेशचे हे तिसरे अर्धशतक होते.  शुभमन गिलनेही कमी स्कोरिंग सामन्यात अँकरची भूमिका बजावली आणि सामना शेवटपर्यंत नेला.

दिल्ली संघ फलंदाजीत अपयशी

बुधवारी खेळल्या गेलेल्या क्वालिफायर -2 मध्ये कोलकात्याने नाणेफेक जिंकून गोलंदाजी करण्याचा निर्णय घेतला आणि दिल्लीला फलंदाजीसाठी आमंत्रित केले.  कोलकाता हा निर्णय योग्य ठरला आणि दिल्लीची फलंदाजी खराब झाली.  दिल्लीला नक्कीच चांगली सुरुवात मिळाली, पृथ्वी आणि धवनच्या जोडीने सुरुवात दिली, ते स्वतः आणि त्यांच्यानंतर आलेले फलंदाज त्याचा लाभ घेऊ शकले नाहीत.

 श्रेयस अय्यर, मार्कस स्टोइनास यांनी दिल्लीला सुरुवात केली, पण त्यांना वेगवान फलंदाजी करता आली नाही.  सरतेशेवटी शिमरोन हेटमायरने झटपट धावा केल्या पण तोही बाद झाला आणि त्याच प्रकारे दिल्ली कॅपिटल्स संघ 135 धावांपर्यंत पोहोचू शकला.  दिल्लीची फलंदाजी कशी होती, याचा अंदाजही यावरून घेता येतो की संघाने एकूण 45 डॉट बॉल खेळले.

 कोलकाताने तिसऱ्यांदा अंतिम फेरी गाठली

 कोलकाता नाईट रायडर्स संघ तिसऱ्यांदा आयपीएलच्या अंतिम फेरीत पोहोचला आहे.  यापूर्वी 2012, 2014 मध्ये कोलकाता अंतिम फेरीत पोहोचला होता आणि विशेष गोष्ट म्हणजे दोन्ही वेळा कोलकाता चॅम्पियन बनला.  आता पुन्हा एकदा केकेआर 2021 मध्ये अंतिम फेरीत पोहचला आहे, तर या वेळीही ते विजेतेपद काबीज करू शकेल का याकडे सर्वांच्या नजरा आहेत.

न्यूज अनकट प्रतिनिधी: ईश्वर वाघमारे