डीआरआयची मोठी कारवाई, एक कोटींहून अधिक किंमतीचा ५२० किलो गांजा जप्त

नागपूर, ११ ऑक्टोंबर २०२३ : नागपूर जवळ एका कारवाईत महसूल गुप्तचर महासंचालनालयाला (DRI) बोरखेडी टोलनाक्याजवळ एका ट्रकमधून ५२० किलो गांजा जप्त करण्यात यश आले आहे. त्याचे बाजारमूल्य अंदाजे १.०४ कोटी रुपये आहे.

माहितीनुसार, रिकाम्या ट्रकमध्ये ड्रायव्हर केबिन आणि मालवाहू यांच्यामध्ये सामान ठेवण्यासाठी खास जागा तयार करण्यात आली होती. या जागेचा वापर गांजाची तस्करी करण्यासाठी होत होता. लोकांना संशय येऊ नये म्हणून ट्रक मुद्दाम रिकामा ठेवला होता. मात्र, वाहनात गांजा लपवून नेला जात असल्याची ठोस माहिती विभागाला मिळाली होती.

अधिकाऱ्यांनी प्रत्येक कोनातून तपासले आणि त्यानंतरच गुप्त जागा शोधून काढली. या व्यक्तीला एनडीपीएस कायद्यान्वये अटक करण्यात आली असून पुढील कारवाई करण्यात येत आहे.

न्यूज अनकट प्रतिनिधी : सूरज गायकवाड