उध्दव ठाकरे यांच्या दौऱ्यावेळी सोनारीत शिंदे गटाकडून बॅनर बाजी

परांडा, धाराशिव १० मार्च २०२४ : जनसंवाद यात्रे निमित्त ठाकरे गटाचे पक्ष प्रमुख उद्धव ठाकरे धाराशीव दौऱ्यावर असताना त्यांना विरोध दर्शवण्यासाठी शिंदे गटाकडून बॅनर बाजी करण्यात आलीय. आरोग्य मंत्री डॉ तानाजी सावंत यांच्या परंडा मतदार संघात ही बॅनरबाजी करण्यात आली असुन त्यावर खासदार ओमराजे निंबाळकर यांना टार्गेट करण्यात आलंय. या बोर्डवर भावी खासदार म्हणून धनंजय सावंत यांचा उल्लेख असल्याने, बॅनरबाजी ची जोरदार चर्चा होत आहे.

बघतोस काय रागाने, तुला खासदार केलय वाघाने, असे बॅनर परांडा तालुक्याच्या सोनारी गावात झळकले. शिवसेना पक्ष प्रमुख उध्दव ठाकरे यांच्या परंडा येथील धावत्या दौऱ्यानंतर, ठाकरे सोनारी मार्गे भुम कडे रवाना झाले. सभेत सावंत यांच्यावर टिका करणारे ठाकरे यांना आरोग्य मंत्री डॉ तानाजी सावंत यांच्या परंडा मतदार संघात विरोध करण्याचा प्रयत्न शिंदे गट शिवसेनेकडून करण्यात आलाय.

न्युज अनकट प्रतिनिधी : रहिम शेख