जाणून घ्या या महिन्यात कोणत्या दिवशी बंद असतील बँका

नवी दिल्ली, १ नोव्हेंबर २०२०: नवीन महिना म्हणजे नोव्हेंबर सुरू होणार आहे. या नवीन महिन्यात दिवाळी, छठ, गुरु नानक जयंती असे अनेक महत्वाचे सण आहेत. परिणामी, यावेळी बँकांमध्ये सामान्य महिन्यांपेक्षा अधिक सुट्ट्या आहेत. नोव्हेंबरमध्ये बँका कधी बंद राहतील ते जाणून घेऊया.

रविवार महिन्याचा पहिला दिवस म्हणजे म्हणजे १ नोव्हेंबर हा साप्ताहिक सुट्टीचा दिवस आहे. या दिवशी बँका बंद राहतात. नोव्हेंबरच्या पहिल्या आठवड्यात बँकांना या व्यतिरिक्त कोणतीही सुट्टी नाही. यानंतर ८ नोव्हेंबरला सर्व राज्यांमध्ये बँका सुट्टीवर असतील.

त्याचबरोबर दुसर्‍या आठवड्यात १३ नोव्हेंबरला वांगाला उत्सवामुळे शिलाँगच्या बँका बंद असतील. यानंतर १४ नोव्हेंबरला दिवाळी अमावस्या (लक्ष्मीपूजन) आणि १५ नोव्हेंबर रोजी रविवारी सर्व राज्यातील बँकांसाठी सुट्टी असेल. त्याच वेळी, १६ नोव्हेंबर रोजी भाऊबीज साजरी केली जाईल, म्हणून बहुतेक राज्यांमध्ये बँका कार्यरत राहणार नाहीत.

१७ आणि १८ नोव्हेंबर रोजी सिक्कीममधील बँकांच्या कामकाजावर परिणाम होऊ शकतो. वास्तविक, दिवाळी येथे १६ ते १८ नोव्हेंबर दरम्यान साजरी केली जाईल. २० आणि २१ नोव्हेंबर रोजी बिहार आणि झारखंडमध्ये छठ उत्सवामुळे बँका बंद राहतील. २२ नोव्हेंबरला रविवार असल्याने बँकांना सर्व राज्यांमध्ये सुट्टी असेल.

२३ नोव्हेंबरला शिलाँगमध्ये बँका बंद असतील तर २८ नोव्हेंबरचा चौथा शनिवार बहुतेक राज्यांसाठी सुट्टीचा दिवस असेल. २९ नोव्हेंबरला रविवार आहे, तर ३० नोव्हेंबरला गुरु नानक जयंती / कार्तिक पूर्णिमा आहे. या दिवशीही बहुतेक राज्यांच्या बँकांमध्ये काम होणार नाही.

न्यूज अनकट प्रतिनिधी: ईश्वर वाघमारे