फ्लिपकार्ट ग्राहकाला मिळाला ९३,९०० रुपये किंमतीचा बनावट आयफोन ११

बंगळूर: आयफोन ११ प्रो मध्ये तीन रियर कॅमेरे आहेत. लॉन्चिंग नंतर लोकांनी आयफोन ११ प्रो वर मेम्स बनवण्यास सुरुवात केली. यावेळी कंपनीने आयफोन एक्सएसच्या तुलनेत डिझाईन मध्ये कोणतेही बदल केला नाही, तर काही लोकांनी त्यांच्या आयफोन एक्सएसच्या मागील बाजूस तीन कॅमेरे असलेले स्टिकर लावून फोटो पोस्ट केला. असाच एक आयफोन फ्लिपकार्टने आपल्या ग्राहकाला पाठवला आहे.
बेंगळुरूमधील एका व्यक्तीने ई-कॉमर्स वेबसाइट फ्लिपकार्टकडून आयफोन ११ प्रो मगविला होता. इंटरनॅशनल बिझिनेस टाईम्सच्या वृत्तानुसार, बेंगळुरूच्या अभियंता रजनीकांत कुशवाहा यांनी फ्लिपकार्टकडून ६४ जीबी स्टोरेजसह आयफोन ११ प्रो मागवला. यासाठी त्याला ९३,९०० रुपये द्यावे लागले.
अहवालानुसार, फ्लिपकार्टकडून आयफोन ११ प्रोचा ऑर्डर रजनीकांत कुशवाहासाठी आला तेव्हा त्यांना आश्चर्य वाटले. कारण फ्लिपकार्टने त्याला बनावट आयफोन पाठविला होता. फोनच्या मागील पॅनेलमध्ये ट्रिपल कॅमेरा सेटअप स्टिकर होता. आपण या चित्रात पाहू शकता.
बॉक्स उघडल्यानंतर तो पहिल्या दृष्टीक्षेपात आयफोन ११ प्रो सारखा दिसत होता परंतु काळजीपूर्वक पाहिल्यानंतर हे स्पष्ट झाले आहे की कॅमेरा मॉड्यूलजवळ बनावट मॉड्यूल पेस्ट केले आहे.
आयबीटीच्या अहवालानुसार रजनी कांत यांनी फोन चालू केल्यावर त्यांना समजले की या फोनवरील सॉफ्टवेअर आयओएस नाही. यात अँड्रॉइड स्मार्टफोनसारखी वैशिष्ट्ये आहेत.