फ्लिपकार्टच्या सेलमध्ये हे स्मार्टफोन स्वस्त मिळत आहेत

पुणे: फ्लिपकार्टवर क्वालकॉम स्नॅपड्रॅगन डेजची विक्री सुरू आहे. यावेळी गुगल पिक्सल ३ ए एक्सएल, व्हिवो झेड १ प्रो, व्हिवो झेड १ एक्स आणि असूस ५ झेड या स्मार्टफोनवर सूट देण्यात येत आहे. हा पाच दिवसांचा सेल ३१ डिसेंबरपर्यंत सुरू राहणार आहे. तसेच असूस मॅक्स एम २, लेनोवो के १० नोट आणि ब्लॅक शार्क २ सारखे स्मार्टफोनदेखील या सेलमध्ये ऑफर्ससह आहेत. त्याचप्रमाणे आसूस ६ झेड आणि मी ए ३ सारख्या स्मार्टफोनवर एक्सचेंज सवलत दिली जात आहे. फ्लिपकार्टवरील काही स्मार्टफोनवर नो कॉस्ट ईएमआयदेखील देण्यात येत आहे.

या सेलसाठी फ्लिपकार्टने डेडिकेटेड मायक्रोसाईटही तयार केली आहे. येथे उपलब्ध असलेल्या यादीनुसार ग्राहक ३०,९९९ रुपयांमध्ये गुगल पिक्सल ३ ए एक्सएल खरेदी करू शकतात. हा स्मार्टफोन ४४,९९९ रुपयांमध्ये लॉन्च करण्यात आला होता. अशा परिस्थितीत येथे मोठी सूट दिली जात आहे.

गुगलच्या पिक्सल ३ ए एक्सएल व्यतिरिक्त फ्लिपकार्ट सेलमध्येही व्हिवो झेड १ प्रोला सूट देण्यात येत आहे. ग्राहक हा स्मार्टफोन सेलमध्ये १२,९९० रुपयांमध्ये खरेदी करू शकतात. सामान्यत: हा फोन १३,९९० रुपयांना विकला जातो. त्याचप्रमाणे सेलमध्ये व्हिवो झेड १ एक्स १६,९९० रुपयांऐवजी १५,९९० रुपयांना विकला जात आहे.

फ्लिपकार्ट सेलमध्ये आसूस ५ झेड १६,९९९ रुपयांऐवजी १५,९९९ रुपयांना विकला जात आहे. त्याचप्रमाणे असूस मॅक्स एम २ चे ४ जीबी + ६४ जीबी व्हेरिएंट ८,९९९ रुपयांऐवजी ८,४९९ रुपयांमध्ये ग्राहकांना सेलमध्ये खरेदी करता येतील.