जळगाव, १६ जून २०२० : महाराष्ट्रात कोरोनाबाधित रुग्णांची संख्या दिवसेंदिवस वाढत चालली आहे. राजकीय नेते आणि मंत्र्यांना देखील कोरोनाची लागण होत असल्याचे समोर आलं आहे. अशातच जळगावमधील भारतीय जनता पार्टीचे माजी खासदार आणि ग्रामीण , जळगाव जिल्हा अध्यक्ष हरिभाऊ जावळे यांचं कोरोनामुळे निधन झालं आहे.
याबाबत मिळालेली सविस्तर माहिती नुसार , हरिभाऊ जावळे यांना काही दिवसांपूर्वी कोरोनाची लागण झाल्याचं स्पष्ट झालं होतं. जळगावमध्ये त्यांच्या स्वॅबची चाचणी केली असता त्यांचा कोरोनाचा रिपोर्ट पॉझिटिव्ह आला होता. त्यामुळे जावळे यांना उपचारासाठी मुंबईतील बॉम्बे हॉस्पिटलमध्ये दाखल करण्यात आले होते.
गेल्या सात दिवसांपासून त्यांच्यावर उपचार सुरू होते. मात्र, आज दुपारी
१२.३० वाजेच्या सुमारास उपचारादरम्यान त्यांची प्राणज्योत मालवली.
हरिभाऊ जावळे हे दोन वेळा जळगावमधून खासदार म्हणून निवडून आले होते. तसेंच ते दोन वेळा विधानसभा निवडणूकतही निवडून आले होते. हरिभाऊ जावळे सध्या जळगाव जिल्हाध्यक्ष म्हणून काम पाहत होते.
न्यूज अनकट प्रतिनिधी
