बकरी आणि काही कबूतर चोरल्याचा आरोप करत झाडाला लटकवून ४ तरुणांना बेदम मारहाण

अहमदनगर, २८ ऑगस्ट २०२३: अहमदनगर येथे चार तरुणांना झाडाला लटकवून बेदम मारहाण केल्याची गंभीर घटना समोर आली आहे. या पीडितांना ६ जणांनी झाडाला लटकवून काठ्यांनी मारहाण केल्याचे वृत्त आहे. वास्तविक या लोकांवर एक बकरी आणि काही कबूतर चोरल्याचा आरोप होता. यातील एका आरोपीला पोलिसांनी अटक केली असुन पाच जण अद्याप फरार असल्याचे सांगण्यात येत आहे.

या घटनेबाबत अहमदनगरच्या एएसपी स्वाती भोर म्हणाल्या, ही घटना २५ ऑगस्ट रोजी घडली. या प्रकरणी शुभम मागडे या पीडितेच्या तक्रारीवरून एफआयआर दाखल करण्यात आला आहे. त्यांना झाडाला लटकावून बेदम मारहाण केल्याचा आरोप पीडितांनी केला आहे. यात ६ लोकांचा समावेश आहे. आरोपी युवराज गलांडे, मनोज बोडके, पप्पू पारखे, दीपक गायकवाड, दुर्गेश वैद्य आणि राजू बोरग यांच्यावर भादंवि कलम ३०७, ३६४ आणि अॅट्रॉसिटी कायद्यान्वये गुन्हा दाखल करण्यात आला आहे. त्याचबरोबर एका आरोपीला अटक करण्यात आली असून उर्वरित पाच आरोपींचा पोलिस शोध घेत आहेत.

अहमदनगरमधील श्रीरामपूर तालुक्यातील हरेगाव गावातील ही घटना आहे. पोलिसांनी दिलेल्या माहितीनुसार, २५ ऑगस्ट रोजी ६ जणांनी गावातील चार लोकांना घरातून बाहेर काढले. यानंतर त्यांचे कपडे काढून त्याला झाडाला लटकवले आणि सर्व आरोपींनी लाठ्या-काठ्यांनी जबर मारहाण केली. घटनेनंतर पीडितांना रुग्णालयात दाखल करण्यात आले असून, त्यांच्यावर उपचार सुरू आहेत. पुढील तपास सुरू आहे, असे पोलिसांनी सांगितले.

न्यूज अनकट प्रतिनिधी : सूरज गायकवाड