विशाखापट्टणम नंतर छत्तीसगडमध्ये गॅस गळती, ७ कामगार भाजले

छत्तीसगड, दि. ७ मे २०२०: आंध्र प्रदेशातील विशाखापट्टणम मध्ये आज गॅस गळती झाल्याने सर्वांनाच आश्चर्याचा धक्का बसला. त्याच वेळी आता देशाच्या दुसऱ्या भागात गॅस गळतीची घटना समोर आली आहे, ज्यात सात मजूर जळाले आहेत. घटनेनंतर कामगारांना रुग्णालयात दाखल करण्यात आले आहे. छत्तीसगडमधील रायगड जिल्ह्यातील पेपर मिलमध्ये गुरुवारी मोठा अपघात झाला. पेपर मिलमध्ये क्लोरीन गॅस पाइपलाइनचा स्फोट झाला. या अपघातात सात कामगार भाजले आहेत. त्यांना रुग्णालयात दाखल करण्यात आले आहे. शक्तीप्लस पेपर्समध्ये ही घटना घडली.

पुसौर पोलिस ठाण्याच्या टेटला येथे एक पेपर मिल अस्तित्त्वात आहे. जिथे क्लोरीन गॅसची पाईपलाईन फुटली. ज्यामुळे तेथे उपस्थित सात कामगार जळाले. घटनेनंतर सर्वांना संजीवनी नर्सिंग होममध्ये दाखल करण्यात आले आहे. त्यानंतर जिल्हाधिकारी व पोलिस अधीक्षक जखमींना पाहण्यासाठी रुग्णालयात दाखल झाले. अपघातात जखमी झालेल्यांपैकी तीन मजुरांची प्रकृती चिंताजनक आहे. त्याचवेळी तीन मजुरांना रायपूर येथे पाठविण्यात आले आहे.

बिलासपूरचे आय जी दिपांशू काबरा यांच्या म्हणण्यानुसार शक्ति पेपर्स या कागदाच्या उद्योगातून विषारी वायू बाहेर आला. कारखान्याची साफ सफाई केली जात असताना ही घटना घडली. या घटनेमुळे सात मजुरांना रुग्णालयात दाखल करण्यात आले आहे. तिघांना पुढील उपचारासाठी रायपूर येथे हलविण्यात आले आहे.

न्यूज अनकट प्रतिनिधी