रेल्वे प्रवाशांसाठी खुशखबर, 2 वर्षांनंतर आता पुन्हा रेल्वे देणार ब्लँकेट-शीट

नवी दिल्ली, 11 मार्च 2022: भारतीय रेल्वेने ही मोठी सुविधा पुन्हा सुरू करण्याची घोषणा केली आहे. त्यामुळे प्रवाशांना मोठा दिलासा मिळणार आहे. खरेतर, रेल्वे मंत्रालयाने पुन्हा लांब पल्ल्याच्या गाड्यांमधील प्रवाशांना ब्लँकेट आणि बेडिंग देण्याची घोषणा केली आहे.

रेल्वे प्रवाशांना मोठा दिलासा

भारतीय रेल्वेने मार्च-2020 पासून प्रवाशांना चादर, उशा आणि ब्लँकेट देणे बंद केले होते. कोरोना महामारीमुळे प्रवाशांना ही सुविधा मिळत नव्हती. मात्र आता ही सेवा तातडीने लागू करण्याची घोषणा रेल्वेने केली आहे. म्हणजेच आजपासून प्रवाशांना प्रवासादरम्यान ब्लँकेट आणि चादर मिळणार आहेत.

यासाठी, रेल्वे बोर्डाने सर्व रेल्वे झोनच्या महाव्यवस्थापकांना दिलेल्या आदेशात या वस्तूंचा पुरवठा त्वरित प्रभावाने पुन्हा सुरू करण्यात यावा, असे म्हटले आहे.

प्रवासी वारंवार मागणीत बेडरोल

कोरोनाचे रुग्ण कमी होताच याची मागणी प्रवाशांकडून सातत्याने केली जात होती. कारण आता प्रवाशांना घरातून ब्लँकेट आणि चादरी सोबत घेऊन जाव्या लागतात, त्यामुळे अतिरिक्त सामान सोबत नेले जाते.

रेल्वेने सर्व ट्रेनच्या एसी डब्यांमध्ये ब्लँकेट, उशा आणि चादरची सुविधा उपलब्ध करून दिली आहे. गरीब रथ सारख्या गाड्यांमध्ये ही पर्यायी सुविधा आहे. आता कोरोनाच्या प्रकरणांमध्ये झालेली घट पाहता रेल्वेने ही सुविधा पुन्हा सुरू करण्याची घोषणा केली आहे.

मार्च-2020 मध्ये ही सुविधा बंद केल्यानंतर, काही दिवसांसाठी रेल्वेकडून प्रवाशांना डिस्पोजेबल बेडरोल किट पुरवल्या जात होत्या. त्यासाठी प्रवाशांना वेगळे पैसे मोजावे लागत होते. मात्र नंतर तेही बंद करण्यात आले.

न्यूज अनकट प्रतिनिधी: ईश्वर वाघमारे