8 वर्षांनंतर Google Chrome ने बदलला आपला लोगो, फक्त दिसू शकतो या युजर्सला

पुणे, 8 फेब्रुवारी 2022: Google Chrome त्याचा लोगो बदलत आहे. 2014 सालानंतर कंपनीने गुगल क्रोमचा लोगो बदलण्याचा निर्णय घेतला आहे. गुगल क्रोमचे डिझायनर एल्विन हू यांनी ट्विटरवर त्याचा फर्स्ट लुक शेअर केला आहे. यासोबतच त्यामागील प्रक्रियेची माहितीही त्यांनी दिली आहे.

एल्विन हू यांनी ट्विटरवर लिहिलं, ‘तुमच्यापैकी काहींनी Google Chrome साठी नवीन आयकॉन लक्षात घेतला असेल. होय, आम्ही ८ वर्षांत प्रथमच Chrome चे ब्रँड आयकॉन बदलत आहोत.

ते म्हणाला की तुम्ही विचार करत असाल की आम्ही हे का केले? आम्ही Chrome वर Windows वर नेटिव्ह विंडो ऑक्लुजन फीचर, macOS वर M1 सपोर्ट, iOS/Android वर विजेट्स आणि Android वर मटेरिअल यांसारख्या अनेक वैशिष्ट्यांचा अनुभव घेतो. आमच्या ब्रँडने अशीच काळजी घ्यावी अशी आमची इच्छा आहे.

हू म्हणाले, ‘आम्ही मुख्य ब्रँडचं चिन्ह सामान्य केलं आहे. आम्ही आयकॉन मधील शॅडो काढून कलरला ब्राईटेनिंग आणि रिफाईन केलंय. जेणेकरून गुगलचे मॉर्डन ब्रँड एक्सपिरीयन्स मिळेल.

प्रत्येक OS वर वेगळा दिसणारा लोगो

तथापि, हा बदल अतिशय सौम्य आहे. दोघांमधील फरक पाहण्यासाठी तुम्हाला खूप लक्ष द्यावं लागेल. नवीन आयकॉनमध्ये मध्यभागी निळे वर्तुळ मोठे केलं आहे. लोगोचा रंगही अधिक व्हायब्रंट आहे. The Verge ने अहवाल दिल्याप्रमाणे, मुख्य Chrome लोगो सर्व सिस्टीमवर दिसत नाही.

Chrome OS मध्ये, हा लोगो इतर प्रणालींपेक्षा अधिक रंगीत दिसत आहे. दुसरीकडं, MacOS मध्ये, लोगो हलक्या सावलीसह दृश्यमान आहे. तर Windows 10 आणि 11 आवृत्त्यांमध्ये ते वेगळे दिसते.

रिपोर्टनुसार, तुम्ही काही काळासाठी क्रोम कॅनरीमध्ये नवीन आयकॉन पाहू शकता, परंतु पुढील काही महिन्यांत ते सर्व वापरकर्त्यांसाठी रोल आउट केले जाईल. क्रोम कॅनरी ही Google Chrome चे डेव्हलपर आवृत्ती आहे. 2008 पासून क्रोम लोगोमध्ये अनेक बदल झाले आहेत. मात्र, 2014 सालानंतर आता नवा बदल होत आहे.

न्यूज अनकट प्रतिनिधी: ईश्वर वाघमारे