दिल्लीत सीएएच्या निषेधाच्या वेळी गोळीबार, द्वेषयुक्त भाषण प्रकरणी गोपाळ शर्मा याला अटक

गुरुग्राम, १३ जुलै २०२१: दिल्लीतील जामियाबाहेर गोळीबारानंतर चर्चेत आलेल्या गोपाळ शर्मा याला द्वेषयुक्त भाषणाच्या दुसर्‍या प्रकरणात हरियाणा पोलिसांनी अटक केली आहे. गुरुग्राममधील पतौडी येथील रामलीला मैदानावर ४ जुलै रोजी झालेल्या महापंचायतीत गोपाळ याने मुस्लिमांविरूद्ध द्वेषयुक्त भाषण केल्याचा आरोप आहे.

गोपाळवर जानेवारी २०२० मध्ये जामिया मिलिया इस्लामियाच्या विद्यार्थी नागरिकत्व कायद्याचा (सीएए) निषेध करत होते त्यांच्यावर गोळीबार केल्याचा आरोप आहे. त्यावेळी दिल्ली पोलिसांनी त्याला पकडले. त्यानंतर गोपाळने गोळीबार केल्याचं चित्र सोशल मीडियावर व्हायरल झालं.

जर मुस्लिम मारले गेले तर राम नावाचा जयघोष करणार

असे सांगितले जात आहे की, दिल्ली-एनसीआर आणि यूपीच्या काही शहरांमध्ये, ४ जुलै रोजी मूकबधिर विद्यार्थ्यांचे धर्मांतर, लव्ह जिहाद करण्यासाठी महापंचायत बोलविण्यात आली होती. हिंदू संघटनांच्या वतीने या महापंचायतीला बोलवून धर्म परिवर्तनविरोधात निषेध व्यक्त करण्यात आला. या दरम्यान गोपाळ शर्मा याने महापंचायतीत वादग्रस्त विधान केले.

गोपाळनी महापंचायतीत म्हटले होते की, कोणत्याही समाजातील लोकांनी आपल्या मुलींना त्रास दिला तर त्यांच्या मुली व बहिणींबरोबरही तशी वागणूक द्या. गोपाळ याच्या भाषणाचा व्हिडिओ व्हायरल झाला होता, ज्यामध्ये तो मुस्लिमांवरील हिंसाचाराचे समर्थन करताना दिसला. त्याने आपल्या भाषणात असेही म्हटले होते की जर मुस्लिम मारले गेले तर तो भगवान रामच्या नावाचा जयघोष करेल.

गोपाळ याला अटक

गोपाळ याला अटक करुन न्यायालयीन कोठडी सुनावण्यात आली आहे, असे सोमवारी डीसीपी मानेसर वरुण सिंगला यांनी सांगितले. या प्रकरणाचा तपास सुरू आहे. गोपाल गौतम बुध नगरमधील जेवार येथील रहिवासी असल्याचे सांगितले जात आहे. त्याचे वडील गावातच पानाचे दुकान चालवतात.

पोलिसांनी दिलेल्या माहितीनुसार, जमालपूर गावच्या दिनेशच्या तक्रारीवरून गोपाळविरोधात गुन्हा दाखल करण्यात आला आहे. यूट्यूबवर व्हायरल झालेल्या दोन व्हिडिओंचे दुवे पोलिसांना देऊन तक्रारदाराने या प्रकरणी कारवाई करण्याची मागणी केली आहे. ज्यावर पतौडी पोलिस ठाण्यात भादंवि कलम १५३ ए आणि २९५ ए अन्वये एफआयआर नोंदविण्यात आला आहे. गोपाळच्या विरोधात कोणतीही तक्रार नव्हती, म्हणून पोलिसांनी अद्यापपर्यंत त्याच्यावर कारवाई केली नव्हती.

न्यूज अनकट प्रतिनिधी: ईश्वर वाघमारे