नवी दिल्ली, १ सप्टेंबर २०२३ : सरकारने देशभरातील कर्मचारी राज्य विमा महामंडळाच्या (ESIC) ३० रुग्णालयांमध्ये केमोथेरपीची सुविधा सुरू केली आहे. अधिकृत प्रसिद्धीद्वारे ही माहिती मिळाली. केंद्रीय कामगार आणि रोजगार मंत्री भूपेंद्र यादव यांनी गुरुवारी नवी दिल्लीतील ESIC मुख्यालयात ESI कॉर्पोरेशनच्या १९१ व्या बैठकीत केमोथेरपी सेवेचा शुभारंभ केला.
कामगार आणि रोजगार मंत्रालयाने एका निवेदनात म्हटले आहे की, ही सेवा सुरू केल्यामुळे, विमाधारक कर्मचारी आणि त्यांचे आश्रितांना कॅन्सरवरील उपचारांच्या चांगल्या सुविधा सहज मिळू शकतील. मंत्र्यांनी नियंत्रण कक्षासह ESIC डॅशबोर्ड (विविध स्त्रोतांकडून डेटा पाहण्याचे साधन) चे उद्घाटन देखील केले, जे ESIC रुग्णालयांमध्ये संसाधने आणि बेडचे अधिक चांगले निरीक्षण सुनिश्चित करेल. याशिवाय बांधकामाधीन प्रकल्प आणि इतर गोष्टींची माहिती मिळत राहील.
बैठकीत मंत्र्यांनी १५ नवीन ईएसआयसी रुग्णालये, ७८ ईएसआयसी दवाखाने आणि हरियाणातील नगर आणि फरिदाबाद येथील ईएसआयसी मेडिकल कॉलेज आणि हॉस्पिटलमध्ये खाटांची संख्या वाढवण्यास मान्यता दिली.
न्यूज अनकट प्रतिनिधी : सूरज गायकवाड
