भोकरदन-सिल्लोड महामार्गवर ३ लाख ९६ हजार रुपयांचा गुटखा पकडला

भोकरदन, जालना २६ फेब्रुवारी २०२४ : भोकरदन पोलिसांनी सिल्लोड मार्गावरील टोलनाक्यावर अवैध गुटखा वाहतूक करणारा ट्रक पकडला. त्यामध्ये सुमारे ३ लाख ९६ हजार रुपयांचा गुटखा आढळला. शनिवारी दुपारी १ वाजण्याच्या सुमारास भोकरदन-सिल्लोड रस्त्यावरील टोलनाक्यावर ट्रकची तपासणी पोलिसांकडून करण्यात आली होती.

गुटख्यासह मालवाहतूक करणाऱ्या ट्रकसह ३४ लाख ४४ हजारांचा मुद्देमाल पोलिसांनी जप्त केला आहे. याप्रकरणी प्रशांत अजिंठेकर यांच्या फिर्यादीवरुन आरोपी शेख अनिस, भरत दाभाडे यांच्या विरोधात गुन्हा दाखल करण्यात आला आहे. सपोनि बालाजी वैद्य यांच्या मार्गदर्शनात तपास करत आहेत.

न्यूज अनकट प्रतिनिधी : कमलकिशोर जोगदंडे