‘त्या’ आरोपींना चौकाचौकात फाशी द्या : मंत्री उषा ठाकूर यांची मागणी

खंडवा, ४ नोव्हेंबर २०२२ मध्य प्रदेशातील खांडवा येथे एका ४ वर्षीय मुलीवर झालेल्या बलात्कारप्रकरणी मंत्री उषा ठाकूर यांनी नाराजी व्यक्त करणारे वक्तव्य केले आहे. मध्य प्रदेशातील शिवराज सरकारमधील मंत्री उषा ठाकूर यांनी बलात्कार करणाऱ्याला चौकाचौकात फाशी देण्याची मागणी करत अशा लोकांवर अंत्यसंस्कारही करू नयेत, असे म्हटले आहे.

उषा ठाकूर म्हणाल्या, अशा लोकांना चौकाचौकात फासावर लटकवले पाहिजे, त्यांच्यावर अंत्यसंस्कारही करू नयेत. १ नोव्हेंबर रोजी खंडवा येथे एका ४ वर्षीय मुलीचे अपहरण करून तिच्यावर बलात्कार केल्याची घटना उघडकीस आली होती.ज्यामध्ये २५ वर्षीय आरोपीला अटक करण्यात आली आहे.

सर्वजण करत आहेत फाशीची मागणी

मंत्री उषा ठाकूर पत्रकारांशी बोलताना म्हणाल्या की, मी जिथे जात आहे तिथे तिथे सर्व आरोपींना फाशीची शिक्षा द्यावी अशी मागणी केली जात आहे.अशा लोकांना फाशी दिल्यानंतर त्यांचे मृतदेह चौकाचौकात लटकवायला हवेत, म्हणजे गरुड, कावळे त्यांचे मृतदेह खातात, हे पाहून लोकांचे आत्मे थरथर कापतील आणि मुलींना हात लावायची कोणाची हिम्मत देखील होणार नाही.

आरोपी घरी खाट मागण्यासाठी आला

रात्री मुलगी बेपत्ता झाल्यानंतर नातेवाईकांनी सांगितले की, रात्री एक व्यक्ती खाट मागण्यासाठी घरात आली होती. पोलिसांनी सांगितले की, संशयिताचे नाव राजकुमार असून तो रात्री कुटुंबाकडे खाट मागण्यासाठी आला होता.

पोक्सो कायद्यान्वये गुन्हा दाखल

दरम्यान, या प्रकरणी पोलिसांनी आरोपीविरुद्ध कलम ३६३ (अपहरण), ३७६ (बलात्कार) अंतर्गत गुन्हा दाखल केला आहे.पोलिसांनी पोक्सो कायद्यांतर्गत गुन्हाही दाखल केला आहे.

न्यूज अनकट प्रतिनिधी : प्रज्ञा फाटक.