‘हर घर तिरंगा’ – देशभक्तीला नवा जोश, पण नियम मोडले तर थेट तुरुंगवास!

“Har Ghar Tiranga: Rules You Must Know Before Hoisting the National Flag”

स्वातंत्र्य दिनाचा उत्साह देशभरात उंचीवर पोहोचला आहे आणि यंदा ‘हर घर तिरंगा’ अभियानाने तो उत्साह आणखी रंगतदार केला आहे.
केंद्र सरकारने १३ ते १५ ऑगस्ट दरम्यान प्रत्येक घरावर तिरंगा फडकवण्याचे आवाहन केले आहे.
ही केवळ एक मोहीम नाही, तर आपल्या देशाप्रती असलेले प्रेम, आदर आणि अभिमान दाखवण्याची सुवर्णसंधी आहे.

परंतु… तिरंगा फडकवण्यापूर्वी ‘हे’ नियम नक्की जाणून घ्या, नाहीतर देशभक्ती दाखवताना कायद्याच्या कचाट्यात सापडण्याची शक्यता आहे!

🔹 अभियान आणि उद्देश

‘आजादी का अमृत महोत्सव’ अंतर्गत हे अभियान राबवले जात आहे, ज्याचा उद्देश प्रत्येकाच्या हृदयात देशभक्तीची भावना अधिक दृढ करणे आहे.

🔹 कायदेशीर नियम

राष्ट्रध्वजाचा अपमान करणे हा गंभीर गुन्हा आहे.
राष्ट्रध्वज संहिता 2002 आणि भारतीय दंडसंहिता कलम 2 नुसार अपमान झाल्यास तात्काळ कारवाई केली जाईल.

🔹 शिक्षेची तरतूद

जर कोणी जाणूनबुजून ध्वजाचा अपमान, नासधूस किंवा चुकीच्या पद्धतीने वापर केला,
तर ३ वर्षांपर्यंत तुरुंगवास किंवा मोठा दंड होऊ शकतो.

🔹 ध्वज खरेदी कसा कराल?

फक्त IS 1:1951 मानांकन असलेला अधिकृत ध्वज वापरावा.
तो तुम्हाला क्षेत्रीय कार्यालये, पोस्ट ऑफिस, सरकारी मान्यताप्राप्त विक्रेते किंवा ‘हर घर तिरंगा’च्या अधिकृत वेबसाइटवरून मिळू शकतो.

🔹 काय करू नये

❌ रस्त्यावरील प्लास्टिकचे ध्वज खरेदी करू नका
❌ अनधिकृत ठिकाणी तयार झालेले ध्वज वापरू नका

राष्ट्रध्वज आपला गौरव आणि अभिमान आहे.
त्याचे पावित्र्य जपतच ‘हर घर तिरंगा’ मोहिमेत सहभागी व्हा आणि यंदाचा स्वातंत्र्य दिन अविस्मरणीय बनवा!

न्यूज अनकट प्रतिनिधी सोनाली तांबे

संबंधित लेखया लेखकाकडून अधिक