‘कायदा आणि सुव्यवस्थेवर विश्वास ठेवा’ अनुराग ठाकूर यांचे कुस्तीपटूंना विरोध थांबवण्याचे आवाहन

हमीरपूर (हिमाचल प्रदेश),१५ मे २०२३: बजरंग पुनिया, विनेश फोगट आणि साक्षी मल्लिक यांच्यासह अनेक दिग्गज कुस्तीपटू भारतीय कुस्ती महासंघाचे प्रमुख ब्रिजभूषण शरण सिंग यांच्यावर लैंगिक छळाचा आरोप करत जंतरमंतरवर निदर्शने करत आहेत आणि त्यांच्या अटकेची मागणी करत आहेत. अनेक दिवस हे आंदोलन चालूच आहे परंतु आता कायदा आणि सुव्यवस्थेवर विश्वास ठेवून कुस्तीपटूंनी विरोध थांबवावा असे आवाहन अनुराग ठाकूर यांनी केली आहे.

या आंदोलनाचे व्यापक स्वरूप बघता समिती स्थापन करण्यात आली आणि त्यांच्या समस्या देखील ऐकल्या गेल्या. भारतीय ऑलिम्पिक संघटनेने (IOA) कुस्ती महासंघाचे दैनंदिन कामकाज सुरू करण्यासाठी एक समिती स्थापन केली आहे. खेळाडूंसाठी चाचण्याही सुरू झाल्या आहेत. त्यांनी निषेध संपवावा आणि तपास पूर्ण होण्याची वाट पहावी अशी विनंती केंद्रीय क्रीडामंत्र्यांनी हमीरपूर येथे पत्रकारांशी संवाद साधताना केली. अनेक महिला कुस्तीपटूंनी डब्ल्यूएफआय प्रमुखावर लैंगिक छळाचा आरोप करत त्यांच्याविरोधात मैदानात उतरल्या. भाजपचे खासदार सिंग यांना अटक करण्याची आणि कुस्ती महासंघातून त्यांची हकालपट्टी करण्याची मागणी करत निषेध करणारे ग्रॅप्लर्स राष्ट्रीय राजधानीतील जंतरमंतरच्या बाहेर अजुन तळ ठोकून आहेत.

त्यानंतर ब्रिज भूषण शरण सिंह यांच्या परदेश दौऱ्यावर त्यांच्यावर झालेल्या आरोपांबद्दल अधिक जाणून घेण्यासाठी दिल्ली पोलीस परदेशी एजन्सींच्या संपर्कात आहेत. पोलिसांनी पुरावा म्हणून विविध ठिकाणचे फोटो आणि व्हिडिओ गोळा केले आहेत.WFI प्रमुख आणि भाजप खासदार ब्रिजभूषण शरण सिंह यांच्यावर लैंगिक गुन्ह्याच्या कथित गुन्ह्यात महिला कुस्तीपटूंनी दाखल केलेल्या अर्जावर दिल्ली पोलिसांनी शुक्रवारी स्टेटस रिपोर्ट दाखल केला. या प्रकरणाच्या तपासासाठी विशेष तपास पथक (एसआयटी) स्थापन करण्यात आल्याची माहितीही न्यायालयाला देण्यात आली.

तर,२३ एप्रिल रोजी, बजरंग पुनिया, विनेश फोगट आणि साक्षी मल्लिक हे बजरंग पुनिया, विनेश फोगट आणि साक्षी मल्लिक यांनी जंतरमंतर येथील निषेधाच्या ठिकाणी परतले आणि, सहा महिला कुस्तीपटू आणि एक अल्पवयीन यांनी ब्रिजभूषण शरण सिंग यांच्याविरुद्ध पोलीस ठाण्यात लैंगिक छळाची तक्रार दाखल केली होती, परंतु दिल्ली पोलिसांनी एफआयआर नोंदवली नाही असा दावा केला. सर्वोच्च न्यायालयाच्या नोटीसनंतर दिल्ली पोलिसांनी २८ एप्रिल रोजी दोन एफआयआर दाखल केल्या. यासंबंधी अजूनही चौकशी चालू आहे.

न्यूज अनकट प्रतिनिधी:- ऋतुजा पंढरपुरे