फ्युचर रिटेल-आरआयएल कराराबाबत आज हायकोर्टात सुनावणी

नवी दिल्ली, ४ फेब्रुवरी २०२१: किशोर बियाणी यांच्या नेतृत्वाखालील फ्यूचर रिटेल लिमिटेडने (एफआरएल) बुधवारी दिल्ली उच्च न्यायालयात एकल न्यायाधीशांच्या आदेशाविरोधात  अपील केले की, रिलायन्स रिटेलशी झालेल्या २४,७१३ कोटी रुपयांच्या कराराच्या संदर्भात कंपनीला यथास्थिती राखण्यास सांगितले गेले होते.

अमेरिकन ई-कॉमर्स जायंट अॅमेझॉनने या करारावर आक्षेप घेतला आहे.  या प्रकरणाशी संबंधित वकिलाने सांगितले की एफआरएलचे अपील हायकोर्टाच्या संयुक्त निबंधकांसमोर दाखल करण्यात आले असून गुरुवारी या अपीलवर सुनावणी होणार आहे.  बुधवारी फ्यूचर रिटेलच्या शेअर मध्ये लॉवर सर्किट लागला.  शेअर ५ टक्क्यांनी खाली ७७.६० रुपयांवर बंद झाला.
तत्पूर्वी, न्यायमूर्ती जे आर मिधा यांनी मंगळवारी म्हटले होते की, अॅमेझॉनच्या हक्कांचे रक्षण करण्यासाठी तात्काळ अंतरिम आदेश मंजूर करणे आवश्यक आहे.  निकाल येईपर्यंत फ्यूचर रिटेलला यथास्थिति कायम ठेवण्यास सांगितले गेले होते.
अॅमेझॉनने सिंगापूर कोर्टाच्या निर्णयाची अंमलबजावणी करण्यासाठी दिल्ली उच्च न्यायालयात अपील केले होते.  सिंगापूरच्या कोर्टाने रिलायन्स रिटेलशी २४,७१३ कोटी रुपयांचा करार रोखण्यासाठी फ्यूचर रिटेलला अंतरिम आदेश दिला.

ऑगस्टमध्ये रिलायन्स-फ्यूचर ग्रुपमध्ये २४,७१३ कोटी रुपयांचा करार झाला.  त्याअंतर्गत फ्यूचर समूहाचा रिटेल, घाऊक व लॉजिस्टिक्सचा व्यवसाय रिलायन्स रिटेल वेंचर्स लिमिटेडला विकला जाईल.  पण या कराराबद्दल अ‍ॅमेझॉनला असहमाती होती.  म्हणून अॅमेझॉनने रिलायन्स-फ्यूचर ग्रुपसंदर्भात सिंगापूरच्या कोर्टात याचिका दाखल केली.

अ‍ॅमेझॉनचे म्हणणे आहे की, मुकेश अंबानी यांच्या रिलायन्स समूहाशी करार करण्यास फ्यूचर समूहावर बंदी घालावी.  यापूर्वी १ फेब्रुवारी रोजी दिल्ली उच्च न्यायालयाने अ‍ॅमेझॉन आणि फ्यूचर रिटेल लिमिटेडला समझोता व सेटलमेंट वर विचार करण्यास सांगितले होते.  एफआरएल आणि रिलायन्स रिटेल यांच्यातील २४,७१३ कोटी रुपयांच्या करारामुळे उद्भवलेला वाद मिटविण्यासाठी तयार आहेत का, असे कोर्टाने दोन्ही कंपन्यांना विचारले.  या कराराची स्थिती कायम राखण्याच्या आदेशामुळे मुकेश अंबानी यांना करार पूर्ण होण्यास अधिक काळ प्रतीक्षा करावी लागणार आहे.

रिलायन्स-फ्यूचर ग्रुप कराराला अॅमेझॉनच्या विरोधाचे कारण असे आहे की ऑगस्ट २०१९ मध्ये अॅमेझॉनने फ्यूचर कूपनमध्ये ४९% हिस्सा विकत घेतला.  यासाठी अ‍ॅमेझॉननेही १,५०० कोटी रुपये भरले.  या करारामध्ये अट होती की, अॅमेझॉनला फ्यूचर रिटेल लिमिटेडचा भाग तीन ते दहा वर्षांच्या कालावधीत खरेदी करण्याचा अधिकार आहे.  अ‍ॅमेझॉनच्या म्हणण्यानुसार, या करारामध्ये अट होती की फ्यूचर ग्रुप आपली किरकोळ मालमत्ता मुकेश अंबानीच्या रिलायन्स ग्रुपच्या कोणत्याही कंपनीला विकणार नाही.

न्यूज अनकट प्रतिनिधी: ईश्वर वाघमारे