‘हाउसफुल ४’पाचव्या दिवशी 100 कोटी पार.

बॉलिवूड : दिवाळीला रिलीज झालेला “हाउसफुल ४” चित्रपट अनेक कॉंट्रोव्हर्सीजदरम्यान १०० कोटींच्या क्लबमध्ये सामील झाला आहे. बॉक्स ऑफिस इंडियानुसार, चित्रपटाने रिलीजच्या पाचव्या दिवशी २४ कोटींचा बिझनेस केला आहे, ज्यामुळे चित्रपटाचे भारतातील कलेक्शन १०५ कोटी रुपयांपर्यंत पोहोचले आहे. यापूर्वी चित्रपटाच्या कलेक्शनबद्दल अनेक निंदकांनी प्रश्न केले. इंडस्ट्रीमध्ये चर्चा होती की, यासाठी फेक पब्लिसिटीचा आधार घेतला गेला.

“हाउसफुल” सिरीजच्या चौथ्या चित्रपटाने रिलीजच्या पाचव्या दिवशी १०० कोटींचा आकडा पार केला आहे. ओव्हरसीज मिळून हा आकडा १२५ कोटींपर्यंत पोहोचला आहे. २५ ऑक्टोबरला रिलीज झालेल्या “हाउसफुल४”ने पहिल्या दिवशी १९ कोटी रुपयांचा बिझनेस केला होता. चित्रपटात अक्षय कुमार व्यतिरिक्त रितेश देशमुख, पूजा हेगडे, बॉबी देओल, कृती सनन, कृती खरबंदा, चंकी पांडे मुख्य भूमिकेत आहेत.