पाकिस्तानातून शिक्षण घेतल्यास भारतात मिळणार नाही नोकरी ना एडमिशन, जाणून घ्या नवीन मार्गदर्शक तत्त्वे

नवी दिल्ली, 24 एप्रिल 2022: भारतातील तांत्रिक शिक्षणाला प्रोत्साहन देणाऱ्या युनिव्हर्सिटी ग्रँट्स कमिशन (UGC) आणि AICTE ने पाकिस्तानच्या शैक्षणिक संस्थांबाबत इशारा दिला आहे. भारतीय विद्यार्थ्यांसाठी जारी करण्यात आलेल्या या संयुक्त अ‍ॅडव्हायझरीमध्ये भारतीय विद्यार्थ्यांनी पाकिस्तानमधील कोणत्याही महाविद्यालयात किंवा शैक्षणिक संस्थेत प्रवेश घेऊ नये, असं म्हटलंय. UGC नुसार, पाकिस्तानातून येणारे विद्यार्थी भारतात नोकरी आणि उच्च शिक्षणासाठी पात्र ठरणार नाहीत.

भारतीय विद्यार्थ्यांनी उच्च शिक्षणासाठी पाकिस्तानात जाऊ नये, असे यूजीसी आणि एआयसीटीईने म्हटलंय. तांत्रिक, उच्च शिक्षण किंवा इतर कोणत्याही प्रकारचा अभ्यासक्रम घेण्यासाठी पाकिस्तानला जाणारा भारतीय विद्यार्थी भारतात नोकरी किंवा पुढील शिक्षणासाठी उच्च शैक्षणिक संस्थांमध्ये प्रवेश घेऊ शकणार नाही.

येथे यूजीसीने स्पष्ट केलंय की, हा नियम पाकिस्तानातून आलेल्या अशा व्यक्तींना लागू होणार नाही. पाकिस्तानमधील स्थलांतरित आणि त्यांची मुले ज्यांना भारताने नागरिकत्व दिलं आहे ते गृह मंत्रालयाच्या मान्यतेनंतर भारतात नोकरीसाठी पात्र असतील.

हे लक्षात घेण्यासारखं आहे की यापूर्वी UGC आणि AICTE ने चीनमधील शैक्षणिक संस्थांच्या संदर्भात भारतीय विद्यार्थ्यांसाठी समान सल्ला जारी केला होता. हे लक्षात घेण्यासारखं आहे की दरवर्षी जम्मू-काश्मीरमधील अनेक विद्यार्थी पाकिस्तानच्या अभियांत्रिकी महाविद्यालयांमध्ये प्रवेश घेत आहेत. आतापर्यंत शेकडो कश्मिरी विद्यार्थ्यांनी पाकिस्तानच्या तांत्रिक महाविद्यालयांमध्ये प्रवेश घेतला आहे.

AICTE म्हणते की अपरिचित संस्थांमध्ये शिक्षण घेतल्यानंतर मिळालेली पदवी ही भारतीय संस्थांमधील पदवीशी समतुल्य नाही. अशा अपरिचित संस्थांमधून पदवी मिळविण्यासाठी प्रचंड शुल्क खर्च करूनही अशा विद्यार्थ्यांना भारतात नोकरीच्या संधी मिळण्यात अडचणी येतात. हा मुद्दा विचारात घेण्यात आलाय. अशा विद्यार्थ्यांच्या पालकांवर आर्थिक बोजा पडू नये यासाठी मार्गदर्शक तत्त्वं जारी करण्यात आली आहेत.

यापूर्वी गेल्या वर्षीही तंत्रशिक्षण परिषदेच्या सदस्य सचिवांनी या विषयावर अधिकृत माहिती जाहीर केली होती. जारी केलेल्या माहितीत म्हटलंय की, पाकिस्तानी संस्थांच्या अभियांत्रिकी आणि तंत्रज्ञान अभ्यासक्रमांना प्रवेश घेण्यापूर्वी ही एनओसी घेणं आवश्यक आहे.

पाकिस्तान व्यतिरिक्त, UGC AICTE ने देखील चीनच्या शैक्षणिक संस्थांबाबत असा सल्ला जारी केलाय. या वर्षी मार्चमध्ये जारी केलेल्या एडवाइजरी मध्ये, विद्यापीठ अनुदान आयोगाने (UGC) भारतीय विद्यार्थ्यांना चिनी शैक्षणिक संस्थांमध्ये प्रवेश न घेण्याचा सल्ला दिला होता. या अॅडव्हायझरीमध्ये असं म्हटलं होतं की, केवळ ऑनलाइन पद्धतीने चालवले जाणारे असे पदवी अभ्यासक्रम यूजीसी आणि एआयसीटीई या दोघांकडूनही मान्यताप्राप्त नाहीत.

यूजीसीने म्हटलं होतं की चीनमधील काही विद्यापीठांनी चालू आणि आगामी शैक्षणिक वर्षांसाठी विविध पदवी कार्यक्रमांच्या प्रवेशासाठी नोटीस जारी करणं सुरू केलं आहे. दुसरीकडं चीनने कोविड-19 च्या पार्श्वभूमीवर कडक प्रवासी निर्बंध लादले असून प्रवासावरही निर्बंध घातले आहेत.

न्यूज अनकट प्रतिनिधी: ईश्वर वाघमारे