नांदेडमध्ये काँग्रेसला मोठा झटका, या मोठ्या नेत्याचा कार्यकर्त्यांसह शिंदे गटाच्या शिवसेनेत प्रवेश

नांदेड, ७ सप्टेंबर २०२३ : महाराष्ट्राच्या राजकारणात काय होईल हे कोणीच सांगू शकत नाही. अनेक मोठे नेते पक्ष सोडून दुसऱ्या पक्षात प्रवेश करत आहेत. अशा परिस्थितीत काँग्रेसचे ज्येष्ठ नेते आणि माजी मुख्यमंत्री अशोक चव्हाण यांना मोठा धक्का बसल्याची बातमी आता समोर आली आहे. नांदेड काँग्रेस पक्षाचे शहराध्यक्ष आणि मागासवर्गीय विकास काँग्रेस कमिटीचे सदस्य मंगेश कदम हे शिंदे गटात सामील झाले आहेत.

कदम यांनी बुधवारी मुख्यमंत्री एकनाथ शिंदे यांच्या उपस्थितीत शिवसेनेत जाहीर प्रवेश केला. त्यांचा पक्षप्रवेश हा काँग्रेस नेते अशोक चव्हाण यांच्यासाठी मोठा धक्का मानला जात आहे. मंगेश कदम आणि त्यांच्या पत्नी ज्योती कदम (नांदेडच्या माजी स्थायी समिती सदस्या), अधिवक्ता धम्मपाल कदम, विकास गायकवाड, प्रवीण वाघमारे यांच्यासह अनेक काँग्रेस कार्यकर्त्यांनी शिंदे गटाशी हातमिळवणी केली आहे. आगामी निवडणुकीच्या पार्श्वभूमीवर मुख्यमंत्री एकनाथ शिंदे यांनी पक्षबांधणी सुरू केली आहे, याचाच हा भाग आहे.

ठाकरे गट, राष्ट्रवादी आणि काँग्रेसच्या अधिकाऱ्यांना आपल्या गटात आणण्याचा शिंदे यांचा प्रयत्न आहे. अशाप्रकारे शिंदे यांनी नांदेडच्या राजकारणात काँग्रेससमोर मोठी अडचण निर्माण केली आहे. या दरम्यान मंगेश कदम हे काँग्रेस पक्षाचे नांदेड जिल्हा परिषदेचे सहा वेळा नगरसेवक होते. तसेच त्यांच्या पत्नी ज्योती कदम या माजी समिती सदस्य होत्या.

न्यूज अनकट प्रतिनिधी : सूरज गायकवाड