खंडाळ्यामध्ये के. एल. राहुल आणि अथिया शेट्टीचा शाही विवाह सोहळा संपन्न

खंडाळा, २४ जानेवारी २०२३ : प्रसिद्ध क्रिकेटर के. एल. राहुल आणि बॉलिवूड अभिनेत्री अथिया शेट्टी अखेर सोमवारी (ता. २३ जानेवारी) विवाहबंधनात अडकले. २०१९ पासून के. एल. राहुल आणि अथिया हे डेटिंग करीत असल्याची चर्चा सुरू होती. सतत त्यांच्या लग्नाच्या चर्चा सुरू होत्या. अखेर २०२३ मध्ये राहुल-अथिया यांचा शाही विवाह सोहळा पार पडला. दोघांचेही कुटुंब आणि जवळचे मित्र-मैत्रिणी यांच्या उपस्थितीत खंडाळ्यामध्ये विवाह सोहळा पार पडला. एम. एस. धोनी, विराट कोहली, अनुष्का शर्मा, सलमान खान, ईशांत शर्मा, कृष्णा श्रॉफ, अंशुला कपूर यांनी देखील विवाह सोहळ्याला हजेरी लावली.

प्रसिद्ध बॉलिवूड अभिनेते सुनील शेट्टी यांची सुकन्या अथिया शेट्टीने २०१५ मध्ये ‘हिरो’ नावाच्या चित्रपटातून बॉलिवूडमध्ये पदार्पण केले. तिने प्रेक्षकांची पसंती मिळविली आणि आता अथिया आणि के. एल. राहुलचा विवाह सोहळा संपन्न झाल्याने चाहते अधिक खूश आहेत. हा विवाह सोहळा अत्यंत खासगी पद्धतीने पार पडल्याने अथिया शेट्टी आणि के. एल. राहुल यांच्या विवाहानंतर मुंबईमध्ये मोठ्या प्रमाणात कार्यक्रम पार पडेल अशी शक्यता आहे. तूर्तास के. एल. राहुल आणि अथियाने पोस्ट केलेल्या फोटोजवर अनेक दिग्गजांच्या कमेंट्सचा वर्षाव होत आहे.

https://www.instagram.com/p/CnwtWxgKsK9/?igshid=MDM4ZDc5MmU=

के. एल. राहुल हा आता दिग्गज अभिनेते सुनील शेट्टी यांचा जावई आहे. त्यामुळे सुनील शेट्टींनी मिठाई वाटत हा आनंद व्यक्त केला. मुळात क्रिकेटपटू आणि बॉलिवूड अभिनेत्री हे कॉम्बिनेशन आता काही नवीन नाही. अनेक क्रिकेट खेळाडू आणि बॉलिवूड अभिनेत्री यांनी एकमेकांची जीवनसाथी म्हणून निवड केली आहे. युवराज सिंह-हेचल कीच, युजवेंद्र चहल-धनश्री वर्मा, हार्दिक पांड्या-नताशा स्तांकोविक, विराट कोहली-अनुष्का शर्मा यांच्या यादीत आता के. एल. राहुल आणि अथिया शेट्टी यांचेही नाव समाविष्ट झाले आहे.

‘न्यूज अनकट’ प्रतिनिधी : ऋतुजा पंढरपुरे.