वाघोली, दि. २७ जून २०२०: पुणे-नगर महामार्गावर वाघोलीतील सुरू असलेल्या सहापदरी मार्गाच्या कामामध्ये पत्रे लावण्यासाठी उभारलेल्या लोखंडी सांगाड्याला दुचाकीवरील एका व्यक्तीची धडक बसून लोखंडी रॉड व्यक्तीच्या उजव्या खांद्याच्या कडील बाजूला शरीरातून आरपार झाल्याची घटना गुरुवारी रात्री उशिरा कावेरी हॉटेल समोरील बाजूस घडली.
गंभीर जखमी झालेल्या व्यक्तीस स्थानिक तरुणांनी रॉडचा काही भाग कापून त्याच अवस्थेमध्ये पुढील उपचारासाठी हॉस्पिटलमध्ये हलविले. सहापदरी मार्गाचे काम करीत असताना सार्वजनिक बांधकाम विभागा ठेकेदाराच्या चुकांकडे दुर्लक्ष करीत आहे. तर ठेकेदार कामांमध्ये गलथानपणा करीत असल्याने अपघात घडत असल्याच्या प्रतिक्रिया वाघोली येथील ग्रामस्थांनी व्यक्त केल्या आहेत.
न्यूज अनकट प्रतिनिधी – ज्ञानेश्वर शिंदे
