कॉन्सर्टमध्ये केके वारंवार घाम पुसत राहिला, स्टेजवर कशी बिघडली तब्येत, पाहा व्हिडिओ

9

KK Passes Away, 1 जून 2022: KK च्या गाण्यांनी सर्वांनाच भुरळ घातली होती. त्याची अनेक गाणी अजूनही लोकांच्या दैनंदिन जीवनात लक्षात राहिली आहे. काल गायक KK यांचं संगीत कार्यक्रम सुरू असताना अचानक तब्येत बिघडल्याने निधन झाल्याची वार्ता आली. 31 मेची रात्र ही सिंगरच्या आयुष्यातील शेवटची रात्र ठरली आणि या बातमीवर विश्वास ठेवणे कठीण होत आहे. KKचा मृत्यू सर्वांनाच धक्कादायक आहे. याच कारणामुळे त्याच्याशी संबंधित अनेक व्हिडिओ आणि फोटोही सोशल मीडियावर शेअर केले जात आहेत.

चेहेऱ्यावर होती जखमेची निशाण

यारों आणि पलसारख्या सुपरहिट गाण्यांनी आपल्या करिअरची सुरुवात करणारा केके मंगळवारी कोलकाताच्या विवेकानंद कॉलेजमध्ये एका कॉन्सर्टसाठी पोहोचला. कार्यक्रमादरम्यान केकेने आपल्या दमदार परफॉर्मन्सने उपस्थित लोकांना नाचायला भाग पाडले. परफॉर्मन्स दरम्यान केके पूर्ण जोमात होता. मात्र हळूहळू त्यांची प्रकृती ढासळू लागली.

केकेच्या शेवटच्या कार्यक्रमाचे अनेक व्हिडिओही सोशल मीडियावर व्हायरल होत आहेत. यातील एक व्हिडिओ असा आहे, ज्यामध्ये ते टॉवेलने चेहरा पुसताना दिसत आहे. व्हिडिओमध्ये केके यांची तब्येत बिघडलेली दिसत आहे. कधी ते वर बघताना दिसत आहेत, तर कधी पाण्याची बाटली घेऊन जाताना दासात आहे. बरं वाटावं म्हणून ते स्टेजवरही फिरले.

पाणी पिऊन आणि स्टेजवर फेरफटका मारूनही केके यांना बरे वाटले नाही, तेव्हा त्यांना पुन्हा हॉटेलमध्ये नेण्यात आले. व्हिडिओमध्ये केके कॉन्सर्टमधून बाहेर पडताना दिसत आहेत. केकेच्या चेहऱ्यावर घाम आला आहे आणि त्यांचे हावभाव त्यांची वाईट अवस्था सांगत आहेत. रिपोर्टनुसार, घटनेनंतर ते जमिनीवर पाडले होते, त्यामुळे त्यांच्या डोक्यावर आणि चेहऱ्यावर जखमेच्या खुणा होत्या. केके यांची प्रकृती खालावल्यानंतर त्यांना कोलकाता येथील सीएमआरआय रुग्णालयातही नेण्यात आले. पण, तोपर्यंत त्यांचा श्वास थांबला होता.

नजरल मंचवर आरोप

केकेच्या मृत्यूनंतर चाहत्यांनी त्यांच्या आयुष्यातील शेवटचा व्हिडिओ शेअर करत नजरल मंचवर गुन्हा नोंदवण्याची मागणी केली आहे. चाहत्यांचे म्हणणे आहे की, तब्येत बिघडत असतानाही त्यांना कार्यक्रमात परफॉर्म करायला लावले होते. गायकाचा मृत्यू हृदयविकाराच्या झटक्याने झाल्याचे सांगण्यात येत आहे. त्याचबरोबर त्यांच्या मृत्यूला त्यांचे चाहते नजरमंच जबाबदार असल्याचे सांगत आहेत.

रिपोर्टनुसार, सिंगरच्या मृत्यूची चौकशी सुरू आहे. शवविच्छेदन अहवाल आल्यानंतरच त्यांच्या मृत्यूचे कारण स्पष्ट होईल.

न्यूज अनकट प्रतिनिधी: ईश्वर वाघमारे

संबंधित लेखया लेखकाकडून अधिक

कृपया आपले प्रतिक्रिया कळवावी

कृपया आपली टिप्पणी द्या!
कृपया येथे आपले नाव प्रविष्ट करा