दुसऱ्या T20 मध्ये दक्षिण आफ्रिकेने टीम इंडियाचा 4 गडी राखून केला पराभव

Ind Vs Sa 2nd T20, 13 जून 2022: टी-20 मालिकेतील दुसरा सामनाही दक्षिण आफ्रिकेने 4 विकेटने जिंकला आहे. टीम इंडियाने प्रथम खेळताना 20 षटकांत 6 गडी गमावून 148 धावा केल्या. प्रत्युत्तरात दक्षिण आफ्रिकेने 10 चेंडू राखून सामना जिंकला. दक्षिण आफ्रिकेने 18.2 षटकांत 6 विकेट्स गमावून लक्ष्य गाठले.

ओडिशातील कटक येथे झालेल्या या सामन्यात टीम इंडियाच्या पुनरागमनाकडे डोळे लागले होते. पण, निराशाच झाली. कर्णधार ऋषभ पंतच्या नेतृत्वाखाली टीम इंडिया या मालिकेत 0-2 ने पिछाडीवर आहे. यापूर्वी कटकमध्ये दक्षिण आफ्रिकेने नाणेफेक जिंकून प्रथम गोलंदाजी करण्याचा निर्णय घेतला होता.

भुवनेश्वर कुमारने भारतासाठी शानदार सलामी दिली. त्यामुळे पॉवरप्लेमध्ये दक्षिण आफ्रिकेची धावसंख्या 3 गडी गमावून 29 धावा होती. मात्र, क्लासेनने संघ मजबूत केला आणि कर्णधार बावुमासोबत चांगली खेळी केली. क्लासेन सेट झाल्यावर टीम इंडियाच्या गोलंदाजांची तारांबळ उडाली. विशेषत: फिरकीपटूंविरुद्ध त्याने चांगली फलंदाजी केली.

दक्षिण आफ्रिकेचा फलंदाज एच क्लासेनने सर्वाधिक 81 धावा केल्या. कर्णधार टेंबा बावुमाने 35 आणि डेव्हिड मिलरने 21 धावा (नाबाद) केल्या. उर्वरित 4 फलंदाजांना एकूण 10 धावा करता आल्या. शेवटी आलेल्या कागिसो रबाडाला खाते उघडण्याची संधी मिळाली नाही आणि तो नाबाद राहिला.

टीम इंडियाच्या फिरकीपटूंसाठी कालचा दिवस चांगला नव्हता. चहलने 4 षटकात 49 धावा दिल्या आणि एक विकेट घेतली. हर्षल पटेलने 3 षटकात 17 धावा देत एक विकेट घेतली. तर अक्षरने एका षटकात 19 धावा दिल्या. भुवनेश्वर कुमारने 4 षटकात 13 धावा देत 4 बळी घेतले.

यापूर्वी टीम इंडियाची फलंदाजीही लयीत दिसली नाही. श्रेयस अय्यरने सर्वाधिक धावा केल्या. त्याने 40 धावा केल्या. त्यानंतर इशान किशनने 34 धावा केल्या, दिनेश कार्तिक 30 धावा करून नाबाद राहिला. अक्षरने 10 आणि हर्षलने 12 धावा केल्या. कर्णधार हार्दिक पंड्या अवघ्या 9 धावा करून पॅव्हेलियनमध्ये परतला. पंतने 5 तर गायकवाडला केवळ एक धाव करता आली.

असे मानले जात आहे की जर टीम इंडिया 160-170 धावा करण्यात यशस्वी ठरली असती, तर कदाचित ती मॅचमध्ये राहिली असती. सध्या तरी भारतासाठी पुनरागमन करणे कठीण काम असेल. कारण त्याच्यासमोर तिन्ही सामने जिंकण्याचे सर्वात मोठे आव्हान असेल.

टीम इंडियाने दुसऱ्या सामन्यात प्लेइंग-11 मध्ये कोणताही बदल केला नाही

टीम इंडियाचे प्लेइंग-11: इशान किशन, ऋतुराज गायकवाड, श्रेयस अय्यर, ऋषभ पंत (कर्णधार), हार्दिक पंड्या (उपकर्णधार), दिनेश कार्तिक, अक्षर पटेल, हर्षल पटेल, भुवनेश्वर कुमार, युझवेंद्र चहल, आवेश खान

आफ्रिकेचा प्लेइंग-11: आर.के. हेंड्रिक्स, टेम्बा बावुमा (सी), ड्वेन प्रिटोरियस, रॉसी डुसेन, डेव्हिड मिलर, एच. क्लासेन, वेन पारनेल, कागिसो रबाडा, एनरिक नॉर्सिया, केशव महाराज, तबरेझ शम्सी

न्यूज अनकट प्रतिनिधी: ईश्वर वाघमारे