मागील २४ तासांत कोरोनामुळे बऱ्या होणाऱ्या रुग्णांच्या संख्येत वाढ

नवी दिल्ली, २५ ऑगस्ट २०२०: कोरोना विषाणूविषयी एक चांगली बातमी समोर आली आहे. गेल्या २४ तासांत नवीन रूग्णांपेक्षा नव्याने बरे झालेल्या रूग्णांची संख्या जास्त होती. गेल्या २४ तासात कोरोनाचे ६० हजार ९७५ रुग्ण आढळले आहेत आणि ८४८ लोकांचा मृत्यू झाला आहे. त्याचबरोबर ६६ हजार ५५० रुग्ण बरे झाले. या दरम्यान नऊ लाख २५ हजार ३८३ नमुन्यांची चाचणी घेण्यात आली.
आरोग्य मंत्रालयाच्या म्हणण्यानुसार देशात आतापर्यंत कोरोनाचे एकूण ३१ लाख ६७ हजार ३२४ रुग्ण आढळले आहेत. यापैकी सात लाख चार हजार ३४८ सक्रिय प्रकरणे.  २४ लाख ४ हजार ५८५ रुग्ण बरे झाले आहेत तर ५८ हजार ३९० रुग्णांचा मृत्यू झाला आहे. पुनर्प्राप्ती दर ७६ टक्क्यांच्या जवळ आहे आणि मृत्यू दर १.८४ टक्के आहे. आतापर्यंत देशात एकूण तीन कोटी ६८ लाख २७ हजार ५२० नमुने चाचण्या घेण्यात आल्या आहेत.

दिल्ली-महाराष्ट्रात नवीन प्रकरणे कमी झाली

मागील दिवसांच्या तुलनेत दिल्ली आणि महाराष्ट्रात नवीन प्रकरणे खाली आली आहेत. दिल्लीत १,०६१ आणि महाराष्ट्रात ११,०१५ नवीन प्रकरणे आढळली आहेत. तर, गेल्या काही दिवसांपासून दोन्ही ठिकाणी अधिक प्रकरणे येत होती, रविवारी महाराष्ट्रात १०,००० हून अधिक केसेस आढळून आल्या. आतापर्यंत दिल्लीत एक लाख ६२ हजार ५२७ आणि महाराष्ट्रात सहा लाख ९३ हजार ३९८ जण संक्रमित झाले आहेत. दोन्ही राज्यात अनुक्रमे ४,३१३ आणि २२,४६५ लोकांचा मृत्यू झाला आहे. त्याचबरोबर उत्तर प्रदेशातही प्रकरणे वाढत आहेत. राज्यात आतापर्यंत ४६७७ नवीन प्रकरणे समोर आली असून संक्रमित व्यक्तींची एकूण संख्या एक लाख ९२ हजार ३८२ पर्यंत पोहोचली आहे. कोरोनाने आतापर्यंत राज्यात २,९८७ लोकांचा बळीही घेतला आहे.

दक्षिण भारतातील राज्यांमध्ये कोरोनाचा प्रादुर्भाव कायम

दक्षिण भारतातील राज्यांमध्ये कोरोनाचा प्रादुर्भाव कायम आहे. आंध्र प्रदेशात सर्वाधिक ८,६०१ नवीन रुग्णांची नोंद झाली असून संसर्ग झालेल्यांची संख्या तीन लाख ६१ हजार ७१२ पर्यंत पोहोचली आहे. तामिळनाडूमध्ये ५,९६७ नवीन प्रकरणे आणि तेलंगणामध्ये आतापर्यंत १,६०,६७० संक्रमित केसेसची नोंद झाली आहे.

न्यूज अनकट प्रतिनिधी: