कोरोना संक्रमणामध्ये रशियाला मागे टाकत भारत तिसऱ्या क्रमांकावर

नवी दिल्ली, दि. ६ जुलै २०२०: देशात कोरोना विषाणूची प्रकरणे सातत्याने वाढत आहेत आणि जगभरात सर्वाधिक संक्रमित झालेल्या प्रकरणांमध्ये भारत तिसर्‍या स्थानावर पोहोचला आहे. रशियाला मागे सोडून कोरोना संक्रमित संख्येत भारत तिसर्‍या क्रमांकावर आला. तथापि, अमेरिका आणि ब्राझील या बाबतीत अजूनही भारतापेक्षा पुढे आहेत. पाकिस्तान १२ व्या स्थानावर आहे.

वर्ल्डमीटरने दिलेल्या माहितीनुसार, सध्या भारतात कोरोनाचे ६,८७,७६० रुग्ण आहेत, तर रशियामध्ये आतापर्यंत ६,८१,२५१ संक्रमित रुग्णांची नोंद झाली आहे. गेल्या २४ तासांत देशात १३ हजारांहून अधिक नवीन प्रकरणे नोंदवली गेली आहेत. या कालावधीत एकूण १३,८५६ प्रकरणे नोंदविण्यात आली.

रशियामध्ये सध्या ६,८१,२५१ प्रकरणे आहेत, ज्यामध्ये गेल्या २४ तासांत ६,७३६ प्रकरणे नोंदली गेली. तिसऱ्या क्रमांकावर पोहोचलेल्या भारताच्या पुढे फक्त अमेरिका आणि ब्राझील बाकी आहेत. तथापि, या दोन देशांमध्ये कोरोना संसर्गाची प्रकरणे भारतातील संक्रमणाच्या एकूण संख्येपेक्षा दुप्पट आहेत.

कोरोना साथीच्या आजाराने सर्वाधिक प्रभावित देश म्हणजे अमेरिका आहे, जिथे आतापर्यंत २९ लाखांहून अधिक म्हणजेच २९,५३,०१४ प्रकरणे नोंदली गेली आहेत. गेल्या २४ तासांत १७,२४४ नवीन प्रकरणे नोंदली गेली. अमेरिकेत आतापर्यंत १,३२,३८२ लोक मरण पावले आहेत.

ब्राझील अमेरिकेनंतर दुसऱ्या क्रमांकावर आहे आणि तेथे कोरोनाचे १,५७८,३७६ प्रकरणे झाली आहेत, तर त्यापैकी ६४,३६५ लोकांचा मृत्यू झाला आहे. भारतात एकूण ६,८७,७६० प्रकरणे नोंदविण्यात आले असून भारत तिसऱ्या क्रमांकावर पोहोचला असून, भारतात १९,५६८ लोकांचा बळी गेला आहे.

न्यूज अनकट प्रतिनिधी