भारतीय सैन्य १२ हाय परफॉर्मंस पेट्रोलिंग बोट खरेदी करणार…

पणजी, २ जानेवारी २०२१: भारतीय सैन्य १२ हाय परफॉर्मंस पेट्रोलिंग बोट खरेदी करणार आहे. या पेट्रोलिंग नौका लडाखच्या पँगोंग तलावावर तैनात केल्या जातील. जिथून भारतीय सैनिक चीनच्या प्रत्येक हालचालीवर बारीक नजर ठेवू शकतील. गेल्या वर्षी मेपासून लडाखमध्ये भारत आणि चीन यांच्यात संघर्षाची परिस्थिती आहे. या पेट्रोलिंग बोटींच्या आगमनाने, चीनच्या हरकतींवर लक्ष ठेवण्याची भारताची शक्ती मोठ्या प्रमाणात वाढेल.

विशेष म्हणजे भारतीय सैन्याने गोवा शिपयार्ड या भारत सरकारच्या कंपनीकडून या पेट्रोलिंग बोटी खरेदी करण्याचा करार केला आहे. या करारातून हे देखील दिसून येत आहे की भारतीय सैन्यदेखील आत्मनिर्भर भारत आव्हाना अंतर्गत भारतीय कंपन्यांना प्राधान्य देत आहे.

केवळ पाच महिन्यात मिळणार डिलिव्हरी

भारतीय सैन्याने सांगितले की, उंच भागात असलेल्या तलावांसह मोठ्या जलाशयांच्या देखरेखीसाठी आणि गस्त घालण्यासाठी १२ हाय परफॉर्मंस पेट्रोलिंग बोट खरेदी करण्यासाठी राज्य सरकारद्वारा गोवा शिपयार्ड लिमिटेडबरोबर करार केला आहे. या बोटींचे वितरण मे २०२१ पासून सुरू होईल, असे लष्कराने ट्विट केले आहे. म्हणजेच, फक्त ५ महिन्यांनंतर, पँगोंग लेकमधील सुरक्षा परिस्थिती बदलेल.

पँगोंग लेक अजूनही गोठलेल्या अवस्थेत

यावेळी, कडाक्याच्या थंडीमुळे पँगोंग लेक अजूनही गोठलेले आहे. अशीच परिस्थिती येथे ३-४ महिने राहील. उन्हाळ्यात जेव्हा तलाव वितळेल तेव्हा नवीन बोटी गस्तीसाठी तैनात केल्या जातील.

विशेष उपकरणांसह सुसज्ज असेल

दुसरीकडे, गोवा शिपयार्डने एक निवेदन जारी केले असून असे म्हटले आहे की, भारतीय सैन्यासह गुरुवारी देशाच्या सैन्यास अत्याधुनिक गस्त नौका पुरवण्याचा करार करण्यात आला आहे. या बोटींमध्ये सुरक्षा दलाच्या गरजेनुसार विशेष उपकरणे बसवली जातील. गोवा शिपयार्डने म्हटले आहे की या पेट्रोलिंग बोट्स गोव्यामध्येच तयार केल्या जातील, याशिवाय विशिष्ट ऑपरेशन पार पाडण्यासाठी तयार केलेल्या या खास बोटी जगातील अशा खास बोटिंपैकी एक असतील

न्यूज अनकट प्रतिनिधी: ईश्वर वाघमारे