आरोग्य कर्मचाऱ्यांना इंडीगोची भेट, तिकिटावर मिळणार २५ % सूट…

नवी दिल्ली, २३ सप्टेंबर २०२०: भारतातील सर्वात मोठी खासगी विमान कंपनी इंडिगो यांनी मंगळवारी डॉक्टर आणि परिचारिका अशा आरोग्य कर्मचार्‍यांना खास सवलत जाहीर केलीय. इंडिगोनं अशा वेळी अशी घोषणा केली जेव्हा देश कोरोना विषाणूच्या साथीनं त्रस्त आहे आणि आरोग्य कर्मचारी या लढाईत महत्त्वपूर्ण भूमिका बजावत आहेत. आरोग्य कर्मचार्‍यांच्या हवाई प्रवासाच्या तिकिटांवर इंडिगोनं २५ टक्के सूट जाहीर केलीय.

इंडिगोनं ट्वीटमध्ये म्हटलं आहे की, ‘असे काही सुपरहिरो आहेत ज्यांनी आपल्या हदयाला स्पर्श केलाय! जे या कठीण वेळी आपल्यासाठी उभे आहेत. ते म्हणजे आमचे डॉक्टर आणि परिचारिका. आमच्याकडं त्यांच्यासाठी एक भेट आहे. आमच्याबरोबर त्यांच्यापैकी उड्डाण करणार्‍यांना आम्ही २५ टक्के सवलत देऊ करतोय. ‘

कोरोना विषाणूचा संसर्ग झालेल्या रूग्णांवर उपचार केल्यानं आरोग्य कर्मचाऱ्यांना संसर्ग होण्याचा धोका जास्त असतो. म्हणूनच ते या विषाणूचा सर्वाधिक प्रभावित वर्गात आहेत. इंडियन मेडिकल असोसिएशनच्या (आयएमए) आकडेवारीनुसार कोरोनो विषाणूच्या साथीच्या वेळी सुमारे ३८२ डॉक्टरांचा मृत्यू झालाय.

सरकारी आकडेवारीनुसार भारतात आतापर्यंत कोरोना विषाणूच्या संसर्गाची एकूण ५५ लाख ६२ हजार ९६३ प्रकरणे नोंदवली गेलीत. यापैकी ४४ लाख ९७ हजार २८२ लोक बरे झाले आहेत आणि ९ लाख ७६ हजार ६७७ लोक अद्याप सक्रिय आहेत. त्याच वेळी, या साथीनं ७८ हजार ९७८ लोकांचा मृत्यू झाला आहे.

विशेष म्हणजे, इंडिगोनं वंदे भारत कार्यक्रमांतर्गत लॉकडाउन ते १२ सप्टेंबर पर्यंत ५०,००० उड्डाणे चालविली आहेत ज्यात अनुसूचित व्यावसायिक ऑपरेशन्स, पॅसेंजर चार्टर्स, कार्गो चार्टर्स, एअर बबल फ्लाइट्स आणि प्रत्यावर्ती उड्डाणे समाविष्ट आहेत.

न्यूज अनकट प्रतिनिधी: ईश्वर वाघमारे