इसिसचा म्होरक्या बगदादी चा खात्मा

दहशतवादी संघटना आयएसआयएसआयचा प्रमुख अबू बक्र अल-बगदादी याला अमेरिकेच्या लष्कराने ठार केली असल्याची माहिती, अमेरिकेचे अध्यक्ष डोनाल्ड ट्रम्प यांनी दिली.

अमेरिकन सैन्याने सिरीयामध्ये केलेल्या दहशतवादी विरोधी कारवाईत बगदादीची ठिकाणं उद्ध्वस्त केली.
वायव्य सिरीयात बगदादीच्या असलेल्या ठिकाण्यांवर अमेरिकन गुप्तचर यंत्रणांच्या मदतीने सैन्याने हल्ला केला.या हल्ल्यात अबु बकर अल-बगदादीचा खात्मा झाला असून त्याच्यासोबत त्याचे 3 मुलं आणि अनेक सहकारी देखील यात मारले गेले.’

बगदादी गेल्या पाच वर्षांपासून लपून बसला होता. या दरम्यान बरेचवेळा तो ठार झाल्याचे वृत्त आले होते.
2 वर्षांपूर्वी रशियाच्या सैन्याने बगदादीचा खात्मा केल्याचा दावा केला होता.