नवी दिल्ली(वृत्तसंस्था) : “इसिस” या दहशतवादी संघटनेच्या तब्बल २५० किलो वजनाच्या दहशतवाद्याला इराकी लष्कराने मोसूल या शहरातून अटक केली आहे. “जब्बा ए जिहादी” या नावाने सोशल मीडियावर प्रसिद्ध होता. मात्र त्याचे खरे नाव अबु अब्दुल बारी होते. तो इसिसचा एक मोठा दहशतवादी होता.
‘जब्बा ए जिहादी’चे वजन २५० किलो असल्याने त्याला चालता येत नव्हते. तो सोशल मीडियावर वादग्रस्त भाषणं द्यायचा. तसेच त्याने इसिसचे समर्थन न करणाऱ्या अनेक मौलवींच्या हत्येचे फतवे देखील काढले होते.
काही दिवसांपूर्वी त्याला अटक करायला इराकी सैन्य आले तेव्हा त्यांनी स्वत:सोबत क्रेन व पिकअप ट्रक देखील आणला होता. ‘जब्बा ए जिहादी’ ला त्याच्या घरातून बाहेर काढण्यासाठी घराच्या भिंती देखील तोडाव्या लागल्याचे समजते. त्याला पकडल्या जाण्याने अनेक मोठे धागेदोरे हाती लागण्याची शक्यता वर्तवली जात आहे.
