जेट एअरवेज पुन्हा उड्डाण भरण्यास सज्ज, जाणून घ्या कधी उपलब्ध होणार सेवा?

नवी दिल्ली, १४ सप्टेंबर २०२१ : कर्जाच्या संकटामुळे जवळपास दोन वर्षे बंद असलेले जेट एअरवेज पुन्हा एकदा उड्डाण करण्यासाठी सज्ज झाले आहे. ही विमान कंपनी २०२२ च्या पहिल्या तिमाहीत देशांतर्गत गंतव्यस्थानासाठी पुन्हा उड्डाण करू शकते.

जेट एअरचे नवीन व्यवस्थापन जालन कार्लॉक कन्सोर्टियमने ही आशा व्यक्त केली आहे. सोमवारी जेट एअरवेजने दिलेल्या माहितीनुसार, एअर ऑपरेटर सर्टिफिकेट (एओसी) सह आपला व्यवसाय सुरू करण्याची प्रक्रिया सुरू आहे. या प्रक्रियेत जेट एअरवेजचे पुनर्मूल्यांकन करायचे आहे.

पहिले उड्डाण येथून सुरू होईल

कंपनीने सांगितले की जानेवारी ते मार्च २०२२ दरम्यान दिल्ली आणि मुंबई दरम्यान त्यांचे पहिले उड्डाण सुरू होईल. कन्सोर्टियम यासाठी देशातील संबंधित अधिकाऱ्यांशी चर्चा करत आहे. या प्रक्रियेमध्ये विमानतळावरील स्लॉट वाटप, आवश्यक विमानतळ इन्फ्रा आणि नाईट पार्किंग इत्यादी बाबींचा समावेश आहे.

काय म्हणाले व्यवस्थापन

कन्सोर्टियमचे प्रमुख सदस्य मुरारीलाल जालान म्हणाले, “आम्हाला NCLT कडून जून २०२१ मध्येच मंजुरी मिळाली आहे. तेव्हापासून, आम्ही सर्व अधिकाऱ्यांसोबत गंभीरपणे काम करत आहोत, जेणेकरून आम्ही या विमानसेवेला पुन्हा आकाशात आणू शकू. जेट एअरवेजचे लक्ष्य २०२२ च्या पहिल्या तिमाहीत देशांतर्गत सेवा सुरू करण्याचे आहे.

ते म्हणाले, “पहिल्या तीन वर्षात आमची सुमारे ५० विमाने असण्याची योजना आहे आणि पाच वर्षांत ही संख्या १०० पेक्षा जास्त होईल.” दोन वर्षांपासून बंद असलेली विमानसेवा नव्याने सुरू केली जात असल्याचे इतिहासात प्रथमच घडत आहे.

जेट एअरवेजचे कार्यवाहक मुख्य कार्यकारी अधिकारी कॅप्टन गौर म्हणाले, “नवीन अवतारात जेटचे मुख्यालय दिल्ली-गुरुग्राम येथे असेल. जेटने सुमारे १५० कर्मचाऱ्यांची भरती केली आहे आणि या आर्थिक वर्षाच्या अखेरीस आणखी १००० कर्मचाऱ्यांची भरती केली जाईल. आमचे पहिले उड्डाण दिल्ली ते मुंबई सुरु होईल.

न्यूज अनकट प्रतिनिधी : ईश्वर वाघमारे